-БАЯР БОЛГОНЫГ ТЭМДЭГЛЭХЭЭ БОЛЪЁ-

               Шинэ жилийн баяр залгуулаад сар шинийн баяраа монголын ард түмэн тэмдэглэлээ. Хол ойрын хамаатан садан цуглаад ёстой л дэнж, хотойтол өргөн дэлгэр тэмдэглэв. Цагаан сар бол бидний уламжлалт баяр болохоор тэмдэглэхгүй гээд яах билээ. Гэвч бид гар утас, машин, байрныхаа лизинг төлөх мөнгөөрөө баяр тэмдэглэж байна гэхэд хилсдэхгүй.Толгой дараалсан энэ тэмдэглэлт баяр иргэдийг халаасыг улаанаар нь эргэтэл хоосолж байна. Тухайлбал, шинэ жил, цагаан сар, мартын найман, цэргийн баяр, инээдмийн баяр, эх үрсийн баяр, наадам, аавуудын баяр, улс тунхагласны баяр гээд дурдаад байвал дуусашгүй билээ.  Эдгээр баяр иргэдийн халаасыг сэхээ өгөхгүй хоосолж байна. Арванхоёрдугаар сард байгууллагын шинэ жил, сургуулийн шинэ жил, найзуудын шинэ жил, нутгийн шинэ жил гэх мэт тэмдэглэнэ. Эцэст нь оны гэр бүлээрээ оноо гарна. Дараалсан энэ баярт нэг хувцастай оролцохгүй дургүй, бусдаас ганган чамин харагдах гэсэн хүсэлтээ дийлдэн өр зээл тавиад гоёлын хувцас олноор авч байна. Эцэст өрөө зээлээ дарж, жаахан сэхээ авах гэтэл залгуулаад цагаан сарын баяр тосон авах аж. Тиймээс дахиад мөнгөний эрэлд гарч баяраа тэмдэглэхээр бэлдэнэ. Настай хүмүүст барьж золгох мөнгөнөөс авхуулаад ёстой л мөнгийг урсгаж өгдөг. Харин баяр дуусахад бөөн өртэй үлддэг нь нууц биш.

ахуй амьдрал, үр хүүхдийнхээ боловсролд зориулах мөнгөө хий дэмий цацаад дууслаа.

             Тэмдэглэлт баяр болохоор л төр засгийн ивээлийг хүртэж элдэв одон медаль энгэртээ гялалзуулан хүн олширно.  Тэдний мялаалга гээд монголд үнэндээ баяр тэмдэглэдэггүй өдөр алга. Загас толгойноосоо өтдөг гэдэг зах замбараагүй баяруудын учрыг төр засаг маань ч олохоо больжээ. Баяр болбол заавал өгөх ёстой мэт одон, медаль гардуулдаг жаяг тогтоов. Тиймээс үндэсний баяруудаа тэмдэглээд бусдыг нь тэмдэглэхгүй байвал яасан юм бэ. “Галууг дуурайж хэрээ хөлөө хөлдөөнө” гэдэг шиг гадны баяруудыг тэмдэглэж савсганахаа зогсооё. Тэгэхгүй бол ахуй амьдрал, үр хүүхдийнхээ боловсролд зориулах мөнгөө хий дэмий цацаад дууслаа.

Тэмдэглэлт баяр болохоор л төр засгийн ивээлийг хүртэж элдэв одон медаль энгэртээ гялалзуулан хүн олширно

Баяр тэмдэглэхгүй байлаа гээд улсын хөгжил, иргэдийн амьдрал доройтохгүй нь ойлгомжтой. Толгой дараалсан өр зээлтэй хэрнэ баяр тэмдэглэж, цэнгэж суудаг уужуу ард  түмэн манайхаас өөр үгүй болов уу. “Ганган хүнд гархи нэмэр, галзуу хүнд салхи нэмэр” гэдэг шиг ажил хийж ар гэрээ арай чамай тэжээж буй ард түмэн, гадаад улсад өр зээлтэй манай улсад үнэхээр баяр нэмэр болох гэж үү. Тэмдэглэл баяруудаас жаахан болов татгалзъя, монголчуудаа.

-УЛСЫН ХЭМЖЭЭНД ТЭМДЭГЛЭДЭГ БАЯРУУД-

01.13 Үндсэн хуулийн өдөр
01.31 Иргэний нийгмийн өдөр
02.07 Багш нарын өдөр
02.14 Гэгээн Валентины өдөр
02.17-18 Цагаан сар
03.01 Эх орончдын өдөр
03.06 Хэвлэл, мэдээллийн ажилтны өдөр
03.08 Олон улсын эмэгтэйчүүдийн өдөр
03.18 Зэвсэгт хүчний өдөр
03.22 Наурызын баярын өдөр
03.22 Монгол хүн сансарт ниссэний баярын өдөр
03.23 Усны өдөр
03.27 Олон улсын театрын өдөр
03.30 Эмч нарын өдөр
04.01 Олон улсын инээдмийн өдөр
04.07 Эрүүл мэндийг хамгаалах өдөр
05.05 Эх баригчдын өдөр
05.07 Олон улсын дуурийн өдөр
05.10 Байгаль хамгаалах өдөр
05.12 Сувилагч нарын өдөр
05.15 Гэр бүлийн өдөр
05.24 Иргэний агаарын тээвэрчдийн өдөр
06.01 Эх үрсийн баяр
06.07 Бурхан багшийн их дүйчэн өдөр
06.20 Онцгой байдлын албаны өдөр
06.28 Тамирчдын өдөр
06.28 Хуульчдын өдөр
07.05 Хоршоологчдын өдөр
07.11-07.13 Үндэсний их баяр наадам
07.19 Цагдаагийн өдөр
07.19 Авто тээвэрчдийн өдөр
07.26 Мэдээлэл, харилцаа холбоо, технологийн өдөр
08.02 Төмөр замчдын өдөр
08.08 Аавуудын өдөр
08.09 Эрүүл мэндийн салбарын ажилтны өдөр
08.16 Эрчим хүчний ажилтны өдөр
08.25 Залуучуудын өдөр
09.01 Эрдмийн баяр
09.06 Барилгачдын өдөр
09.11 Улс төрийн хэлмэгдэгсдийн дурсгалын өдөр
09.13 Соёл, урлагийн ажилтны өдөр
09.13 Үндэсний татварын ажилтны өдөр
09.17 Хилийн цэргийн өдөр
09.25
09.27 Аялал жуулчлалын өдөр
10.01 Ахмадын баяр
10.01 Хөгжмийн өдөр
10.05 Монголын оюутны өдөр
10.09 Дэлхийн шуудан холбооны өдөр
10.11 Нийтийн аж ахуйн үйлчилгээний өдөр
10.14 Стандарт, хэмжилзүйн ажилтны өдөр
10.15 Хүний нөөцийн ажилтнуудын өдөр
10.18 Геологчдын өдөр
10.20 Гаалийн ажилтны өдөр
10.25 Авто замчдын өдөр
10.29 Монгол улсын нийслэлийн өдөр
11.07 Хөдөө аж ахуйн ажилтны өдөр
11.11 Найзуудын өдөр
11.22 Шинжлэх ухааны ажилтны өдөр
11.26 Монгол улс тунхагласны баяр
12.05 Архивын ажилтны өдөр
12.10 Ардчилал, хүний эрхийн өдөр
12.13 Санхүү, эдийн засагчдын өдөр
12.13 Хүнсний аж үйлдвэрийн ажилтны өдөр
12.20 Худалдааны ажилтны өдөр
12.25 Монголын уурхайчдын өдөр
12.28 Киноны өдөр
12.29 Дипломат албаны өдөр
12.31 Шинэ жил