Ардчилсан хуультай нийгэмд хүн юугаа хийх нь хувь хүний эрх. Энэ түгээмэл ойлголтоос үүдэн бусдыг садар самуунд уруу татах явдал гаарч байна. Үүнээс үүдэн өсвөр насны хүүхдүүд бэлгийн замын хохирогч болж, нэгнээ ёс бус зүйл буруудах байдал газар аваад байна. Энэ тал дээр хууль хяналтын байгууллагууд цаг тухайд нь арга хэмжээ авч, таслан зогсоож буй хэдий ч энэ төрлийн асуудал газар авсаар байна. Нэг үгээр бол садар самуунд бусдыг уруу татах, сурталчлах арга өдрөөс өдөрт нарийссаар байна гэхэд буруудахгүй. Сүүлийн үед хүүхэд, залуусыг сонирхлоор нь далимдуулан садар самуунд уруу татах боллоо. Тухайлбал, дуу, шүлэг, бүжиг гэх мэт өсвөр насныхны сонирхдог урлагийн төрлийг ашиглан ёс бус зүйлд буруу татаад эхэллээ. Хэдийгээр бид ардчилсан улсад амьдарч байгаач тун нь хэтийдсэн, бусармаг зүйлийг зохицуулах эрх зүйт хуультай орон. Тиймээс хүний эрх, эрч чөлөөг эрхэмлэдэг. Гэвч зарим нэг хүний зүй бус үйлдлээс болоод үүрэг, хариуцлага үгийг мартах дөхжээ.  

           Ч.Номин та Монголын ирээдүй болсон хүүхэд, залуусын сонорт хүрч буй дууны үгийн агуулга, клипний найруулгад анхаарал хандуулж, мэргэжлийн хүмүүсээ томилж, зөвхөн соён гэгээрүүлэх, сайн сайхан мөрөөдөл, тэмүүлэлд хөтлөх уран бүтээл олныг төрүүлэхэд анхаарна уу.

                 Хүүхэд бол цэвэрхэн цагаан цаас.. Харин тэр цагаан цаасан дээр та ч мэдээгүй байхад үзэж, сонсож байгаа дуу, бичлэгүүд нь буруу, муу, ёс зүйгүй бүхнийг тодоос тод "зурж" байгааг анзаарч байна уу. Ялангуяа олон нийтийн анхаарлыг татах зорилготой,  олон дагагчтай болох хүсэлтэй залуусын хийж буй ёс бус үг хэллэг, үйлдэлтэй богино хэмжээний видео бичлэг, зарим дуучны дуунуудын буруу үлгэр дуурайлал, үг хэллэг хэрээс хэтрээд цөөнгүй жил боллоо. Тухайлбал, “Ярвагар найз” хэмээх богино бичлэгт “Өө, ямар ярвагар болчихсон хар п... вэ. Дахиж чамтай уулзахгүй” гээд салаавч гаргаад, автомашиных нь хаалгыг саваад гарах жишээний. Мөн “Согтуу найз охины 10 төрөл”, “Эрүүл шүд” гэх залуучуудын цахим сүлжээнд байршуулсан бичлэгт хараалын үггүй секунд олно үгүй. Бүгд их, бага хэмжээгээр хараалын үгээр ярьж, ойлголцож байна. Харин орчин цагийн залуу уран бүтээлчид, дуучид олон нийтэд маш богино хугацаанд танигдаж, од болохын хүслэнд автаж, хэт улайран, зүтгэхдээ зарим нь “Чухам ямар утга агуулгатай дуу дуулж байгаагаа өөрөө ч мэдэхгүй явна. Аманд орж ирснийгээ л дуулдаг шүү дээ” хэмээн телевизийн эфирээр ярьж байсан нь саяхан. Тэр ч бүү хэл зарим дуучны дуу үгтэй юү, үгүй юү гэдэг ч эргэлзээтэй болоод удлаа. Ингээд зогсохгүй зарим дууны шүлэг хүчирхийлэл, садар самуун, болохгүй бүхэнд уриалан дууддаг болж байгаа нь харамсалтай. Энэ нь хүүхэд, залуусын хүмүүжил, сэтгэхүйд сөргөөр нөлөөлж, цөөнгүй нь урлагийг тэдний амнаас унаж буй буруу ташаа үгсээр ойлгон, төлөвшихөд нөлөөлж байгаа нь тодорхой. Гэрэл гэгээ, сайхан амьдрал, хүсэл мөрөөдөлд тэмүүлж буй ирээдүй болсон үр хүүхдүүдийн тархинд, зүрхэнд юугаар ч хамаагүй олонд танигдах хүсэлтэй залуус ингэж л маш хортойгоор нөлөөлж байна. Тиймээс Соёлын сайд Ч.Номин та Монголын ирээдүй болсон хүүхэд, залуусын сонорт хүрч буй дууны үгийн агуулга, клипний найруулгад анхаарал хандуулж, мэргэжлийн хүмүүсээ томилж, зөвхөн соён гэгээрүүлэх, сайн сайхан мөрөөдөл, тэмүүлэлд хөтлөх уран бүтээл олныг төрүүлэхэд анхаарна уу. Энэ сэдвийг хөндсөнөөрөө бид бусдын уран бүтээл хийх эрх чөлөөг хаах, саад болох гэж байгаа зүйл огт биш гэдгийг энд онцлох нь зүйтэй болов уу.

Үүнээс гадна  Муужгай, үгүй ээ миний муужгай

Миний муужгай зөөлхөн, миний муужгай цагаан

Миний муужгай хамгийн халуунхан

Миний муужгай хамгийн дулаахан” хэмээх Loce & 168-ын “Муужгай” хэмээх дуу нь “Миний муужгай” гэхээс өөр үггүй байгааг анзаарсан биз ээ. Энэ дуу нийгэмд сайн сайхныг сурталчлах бус муу, муухай зүйлийг дэвэргэж буй. 25 lighters ft 290 & 168: “ЭЭЖ ОРЖ ИРЭЭД ШУУД ӨШИГЛӨӨД БОСГОЖ БАЙХАД ХӨӨЕ” ХЭМЭЭХ ЭЭЖИЙГЭЭ ДОРОМЖИЛСОН ДУУ  

“Олон долоон юм бодоод хэвтэж байхад, хөөе

Ээж орж ирээд шууд өшиглөөд босгож байхад, хөөе

Дотроо бодно, уул нь би чинь мундаг п...ш дээ

Би ер нь нээх олон юм бодох дургүй ээ” хэмээх ээжийгээ доромжилсон агуулгатай, “Хүний сайныг ханилаад мэддэг, хүлгийн сайныг унаад мэддэг ч гэж байх шиг, хөөе, Монгол ардын зүйр цэцэн үг ч байх шиг, хөөе” гэх мэтээр дуу гэж сонсох нь битгий хэл уншихад эвлэхээргүй үгстэй дууг олны хүртээл болгож байна. Үүнд Соёлын яамны сайд Ч.Номин та ямар арга хэмжээ авах вэ.