АЮУЛЫН ХАРАНГА ДЭГДЭЭСЭН УЛААНБААТАРЫН УТАА

2022-12-20, 626

Улаанбаатарын утаа аюулын харанга болж байгааг анзаарч байна уу, эрхэм дарга нар аа. Амьсгалах агаар утаа болж хувирсан энэ үед улаанбаатарчууд яах вэ. Угаартай хоршин амьдарсаар л байх уу. Судалгаагаар сүүлийн гурван жил тав дахин нэмэгдсэн угаарын хэм хэмжээ өдгөө аюулын харанга болоод байна. Тухайлбал, Нийслэлийн иргэд утаа, угаар хоёроос болж өдөр бүр амь, нас эрүүл мэндээрээ хохирох боллоо. Үүнд дээр ямар нэгэн хараа хяналт, шалгалт байдаггүй нь харамсалтай. Амьсгалах агаар нь CO2 буюу нүүрстөрөгчийн давхар исэлд идэгдэж амь тэмцүүлж байгаа хойно арга ч үгүй биз. Өөрөөр хэлбэл сүүлийн жилүүдэд эрчимтэй явагдаж байгаа хүн амын механик шилжилт хөдөлгөөн ихэссэнээс гэр хороолол тэлж, хотын нягтрал нэмэгдсэн. Гэсэн ч орон сууцанд амьдрах иргэдийн тоо дорвитой нэмэгдэхгүй байгаа нь улаанбаатарчууд нүүгэлтсэн хар утаан дунд амьдрах гол шалтгаан удаж байна.

Хүн амын механик шилжилт хөдөлгөөн ихэссэнээс гэр хороолол тэлж, хотын нягтрал нэмэгдсэн

Бид агаарыг бохирдуулагч хүчин зүйлүүдийн талаар цуврал нийтлэл хүргэж байгаа. Нийслэлийн гэр хорооллын 180 мянган яндангаас гарч буй утаа агаарын бохирдлын дийлэнх хувийг эзэлж байгаа нь гарцаагүй үнэн. Гэвч тэрхүү утаа нь зүгээр ч нэг утаа биш. Янз бүрийн химийн бодис агуулсан түүхий эд шатааж гэрээ бүлээцүүлдэг айл өрх өдрөөс өдөрт нэмэгдсээр байна. Өдрөөс өдөрт утаа үйлдвэрлэгчид нэмэгдэж байгаа нь хүн амын амьжиргааны түвшин доогуур байгаатай холбоотой гэдгийг мэргэжлийн байгууллагууд онцолдог. Тухайлбал улаан тоосгыг бензин, шатахуунд дэвтээж гал түлдэг арга дэлгэрээд байгаа аж. Ийм аргаар гал түлж буй айлын яндангаас жинхэнэ “хор” гээч нь ялгарах нь мэдээж. Яагаад гэвэл энгийн зууханд бензинтэй тоосго хийгээд шатаахад яагаад ч бүрэн шаталт явагдахгүй нь ойлгомжтой.

Өөрөөр хэлбэл, айлын яндангаас гарч буй утааг дизель түлшээр ажилладаг хоёрын зэрэг автобусны яндангаас савсдаг утаатай зүйрлэж болно. Мөн зүрх судасны өвчин үүсэх гол шалтгааны нэг болдог байна. Зүрх судасны өвчнөөр дамжин тахир дутуу болох, эрт нас барах өндөр эрсдэлтэй бөгөөд эрүүл мэндийн статистикийн мэдээгээр манай улсад зүрх судасны өвчний өвчлөл нь хүн амын нас баралтын тэргүүлэх шалтгаан болж байгаа бөгөөд нас барж буй гурван хүн тутмын нэг нь зүрх судасны өвчний улмаас энддэг байна.
Орчны бохирдлын хүний эрүүл мэндэд үзүүлэх нөлөөллийг илтгэх нэг үзүүлэлт нь хүүхдийн зүрх судасны үйл ажиллагааны алдагдлын өөрчлөлт өвчин гэж үзэж байна.

татахад, гэр хороололын хүүхдүүд хүчилтөрөгчийн дутагдалд орох нь элбэг байдаг бөгөөд энэ нь цаашлаад эрхтний хөгжил дутуу, хөгжлийн бэрхшээлтэй, сэтэрхий тагнайтай, төрөхийн гажигтай төрөхөд хүргэж байна

Монголын Засгийн газар эхчүүдийг олон хүүхэд төрүүлэхийг дэмждэг ч шинээр төрсөн хүүхдүүдийн эрүүл мэндэд төдийлөн анхаардаггүй. Мөн өсөн нэмэгдсээр байгаа гэр хороололд аж төрж буй эхчүүд хүүхдээ эрүүл төрүүлэхэд дэд бүтцийн асуудал зохих хэмжээгээр нөлөөлдөг. Жишээ татахад, гэр хороололын хүүхдүүд хүчилтөрөгчийн дутагдалд орох нь элбэг байдаг бөгөөд энэ нь цаашлаад эрхтний хөгжил дутуу, хөгжлийн бэрхшээлтэй, сэтэрхий тагнайтай, төрөхийн гажигтай төрөхөд хүргэж байна. Хүйтний эрч чангарч, гэр хорооллын замын дэргэд ногоон ууттай нүүрс овоороход иргэдийн ярианы сэдэв болж өрнөдөг. Зурхайд өгүүлсэнчлэн бичин жилийн өвөл хахир хатуу байдаг гэнэ. Ийнхүү Улаанбатарын иргэд хахир өвөл, хахаж цацсан утааны тухай санаа зовох ч хийж чадах зүйл цөөн. Тэдэнд эрсдэлтэй нүүр тулгарахаас өөр арга үгүй. Энэ үед нүүрсний хулгайн хэргээс болоод УИХ-ын гишүүд болон Улаанбаатар хотын дарга маань аюулын харанга дэгдээгээд байгаа утааг бүү мартаасай.

АЮУЛЫН ХАРАНГА ДЭГДЭЭСЭН УЛААНБААТАРЫН УТАА

Шинэ мэдээ

Нийтлэлчид