• Өнөөдөр 2024-03-29

Ард түмэн өвчний өмнө сөхөрч, Ардын намын аархуу гишүүн Төрийн ордонд таахалзаж байна

2021-06-22,   3623

             Ард түмэн цар тахлын өмнө сөхөрч, өвчиндөө дийлдэж байна, эдийн засгийн гүн хямралд орчихоод байна, үнэндээ. Витамин С авах мөнгөгүй болтлоо ядуурч, таван ширхэг эм дөхүүлж өгөх нь үү хэмээн харуулдаж, даралтны эмээ хөрштэйгөө хувааж уух нь холгүй хоолтой, хоолгүй өдөр, хоногийг өнгөрөөж байгаа ард иргэд эрх баригчдаас ямар шийдвэр гарч, амьдралд нь нэмэр болох юу хэлэх нь вэ гээд нүдээ ширгэтэл хүлээж сууна. Гэтэл энэ хүнд цаг үед УИХ-ын зарим гишүүн бие биеийнхээ идэж, ууж, тансагласан хэдэн арван тэрбумын луйвар, булхайн тухай Төрийн ордонд яриад таахалзаж байх юм. Тэнхээ нь тасарч, эцсийнхээ хүчийг шавхаад ч болов амьд байхын төлөө тэмцэж байгаа иргэдийг тэд хүн гэж тоож байгаа юм алга. Бүр Ардын намын гишүүн Г.Дамдинням Төрийн ордны хойморт танхайрч, Соёлын хууль батлах үеэр “солиотой” хүн шиг байлаа. Тэр өнгөрсөн баасан гарагийн УИХ-ын чуулганы нэгдсэн хуралдааны үеэр Ардчилсан намын бүлгийн гишүүн Б.Пүрэвдоржтой маргалдаж, булайгаа дэлгэхдээ “Би, чи 33 тэрбум төгрөг идсэн, идээгүй, осол гаргасан, гаргаагүй, өөрийгөө, өөрсдийгөө хичээ” дээрээ тулж, эцэст нь “Битгий ш.а. Чи зүгээр архиа уугаад явж бай” гэх мэтээр Төрийн ордны чуулганы танхимаас голынхоо дуугаар орилж, чарласан. 

         Дарханчуудын төлөө дөрвөн мөчөө хөдөлгөөд, хоёр гараа гозойлгоод хариуцлага нэхээд, арга шийдэл хайж байх ёстой залуу гишүүн Г.Дамдинням ингэж л аархаж явна.  “Аа эд яадаг юм” гэсэн шиг бархирч, сөрөг хүчнийхэнтэйгээ сөрж байгаа нэрийдлээр жүжиг тоглоод зав алга. Ард түмэн үүнийг ялгаж салгадаг болсон гэдгийг тэр мэдэж байгаа ч мэдээгүй хүний дүрд тоглосоор л байна. Ингээд зогсохгүй ёс зүйгүй, харилцааны доголдолтой залуу гишүүний эл үйлдлийг шүүмжилж, сонгогчдынхоо өмнө хариуцлагатай байхыг сануулсан хэвлэлийнхнийг тэр “Мөнгө авч, мөрөөрөө ажиллаж байгаа хүнийг харлуулж байна” гэх маягийн тархи угаалтын хэдэн үгс холбож, цахим хаягтаа сийчиж сууна лээ. Бүр болоогүй “Угтаа бол ш.а гэдэг үг чинь хараал биш шүү. Олон утгатай монгол үгний нэг. Тухайлбал, гадас зоох-ша.х, ша.х-онож цохих, худлаа хэлэх-ша.х, ша.х-уух, ша.х-зодох гэх зэргээр хэрэглэнэ” хэмээн өөрийгөө зөвтгүүлж, түүнийгээ “Уг нь тийм” хэмээн түгээж сууна.

Эмгэнэлтэй жүжгийн гол дүрээс ч хөөрхийлөлтэй байна, эрхэм гишүүн ээ.

Үнэндээ, та “Би харилцааны маш том алдаа гаргалаа.Чуулганы танхимд зохисгүй үг хэллээ. Зөвхөн Монгол ч бус дэлхий нийтээрээ өвчин зовлонтой хүнд байгаа цаг үед муухай үг хэрэглэж, иргэдийгээ бухимдуулсандаа уучлал гуйж байна” гээд хэдэн мөр холбочихсон бол илүү хүн чанартай харагдах байлаа. Ингэж чадахгүй юм аа гэхэд ядаж “Уучлаарай” гээд ганцхан үг хэлчихсэн бол сонгогчид чинь бусдын өмнө нүүрээ хийх газраа олж ядан, тэмчихгүй байлаа, Г.Дамдинням гишүүн ээ.

     Энэ хүнд цаг үед УИХ-ын зарим гишүүн бие биеийнхээ идэж, ууж, тансагласан хэдэн арван тэрбумын тухай Төрийн ордонд яриад таахалзаж байх юм.

      Төрийн ордон танхайрч, "Хэн надад юу хэлэх вэу гэсэн шиг ард түмнээ басамжилж суухаар туйлдсан иргэдийнхээ туг нь байгаад өгөөч. Таныг гишүүн болсноос хойш Дарханы замд хэдэн хүн амиа алдсныг ядаж тоолоод, тэдний төлөө юу хийж чадах вэ гээд толгойгоо гашилгаж байвал зүгээр сэн. Таны хийх ажил элдэв хэрүүл, шоу бус, зөв шударгын төлөөх тэмцэл байх ёстой. Энэ ч үүднээс алхам тутамд чинь ёс зүйтэй байхыг, хүнлэг байхыг шаардсаар байх болно, гишүүн ээ. Тэр бүрд "Мөн ч их мөнгө зарцуулж байна даа, намайг харлуулахын тулд" хэмээн төөрсөөр суух уу. 

     


Ард түмэн өвчний өмнө сөхөрч, Ардын намын аархуу гишүүн Төрийн ордонд таахалзаж байна
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 8
  • Сэтгэгдэл үлдээсэн: 2021-06-22 21:37:07
    Баба: Шаа гэдэг үг бол бүдүүлэг үг. Төрийн түшээ ИхХурлын танхимд ингэж ёс зүйгүй үг хэлж болохгүй. Нэг өглөө эхнэрээ шааж.шаагаад хонолоо гэх нь л дээ. Тэнэг гишүүн.
  • Сэтгэгдэл үлдээсэн: 2021-06-22 21:37:07
    Баба: Шаа гэдэг үг бол бүдүүлэг үг. Төрийн түшээ ИхХурлын танхимд ингэж ёс зүйгүй үг хэлж болохгүй. Нэг өглөө эхнэрээ шааж.шаагаад хонолоо гэх нь л дээ. Тэнэг гишүүн.
  • Сэтгэгдэл үлдээсэн: 2021-06-22 18:01:50
    Их: МАН-н дарга Хүрэлсүх (манайй намыхан бүгдээрээ төсваөс шаадаг хулгайчууп гэж ордон дотор орилж байсан. Тэгж хэлвэл мундаг байдаг юм байна гэж бодсон юм байлгүй.
  • Сэтгэгдэл үлдээсэн: 2021-06-22 16:11:22
    Зочин: Кккк наад нэр чинь яг тохироно
  • Сэтгэгдэл үлдээсэн: 2021-06-22 16:10:00
    Зочин: Гүндалайгийн дүүкум биш үү . Үгүй умаа Гүндалай чинь энүүний хажууд арай соелтой ум бна тэгээд хэний хойд дүр ум болоо сайн бодьео энүүнээс өөр хэн шаа шаааааа гэж хамаг чадалаараа орилож байлаа. Шаааааааааа шааааааа гэж өвгөнтийн гаруудаас илүү гое орилож бналээ шүү. Шаааааа Дамдинням гэж нэр өгвөл ямар уу Монголчуудаа.Үгүйээ ШААДАГ ДАМДИННЯМ УМ БНА
  • Сэтгэгдэл үлдээсэн: 2021-06-22 13:39:55
    Zochin: Uuriikhuu yildeld dygnelt khiikhiin orond namaig kharluulj bma gd suuj bgaag n' kharval ene byyr tsaichikhsan gar um bna. Ene yavtsgyi ee.
  • Сэтгэгдэл үлдээсэн: 2021-06-22 10:46:10
    zochin: Mongoliin niigmiin amidrald, dardag taalagdah gedeg ovchin gajar avchihsan. Nogoo hed ni ch gesen, bi erh medeld hursen bolohoor delhii miniih gej oilgodog. Bid buruu hunee, tolovshoogui, oyun sanaanii huvid hun boloogui humuusiig olnoor tord ilgeesen ii gor oo. Odoo yahav ee, negent songochihson hoino, haraad l suuhaas
  • Сэтгэгдэл үлдээсэн: 2021-06-22 09:08:09
    Zochin: Ene yostoi mergeshsen hulgaich.
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188