Шиньжяны Кашгар бүсэд хэрэгжиж буй дулаан, цахилгаан хослон үйлдвэрлэх хамгийн том төсөл болох Хуадянь компанийн 2×660 мянган киловаттын хүчин чадалтай төслийн эхний эрчим хүчний блок 2026 оны арваннэгдүгээр сарын 5-ны өдөр ашиглалтад орлоо. Төслийг энэ оны эцэс гэхэд бүрэн хүчин чадлаар нь ашиглалтад оруулахаар төлөвлөж байна.

    Нийт 6 тэрбум 300 сая юанийн хөрөнгө оруулалттай уг төсөл бүрэн ашиглалтад орсноор 32 сая ам метр талбайг шинээр дулаанаар хангах хүчин чадал бүрдэж, Кашгар хот, Шүфү, Шүлэ шянийг дулаан, цахилгаанаар тогтвортой хангах юм. Ингэснээр өмнөд Шиньжяны дулаан хангамжийн хүрэлцээг сайжруулж, цахилгаан сүлжээний найдвартай ажиллагаа болон ачаалал тохируулах чадавхыг нэмэгдүүлнэ.

   Тус төсөл нь нүүрсний уурхай, шинэ эрчим хүчний төслүүдтэй уялдсан нэгдсэн бүтээн байгуулалт юм. Үүний хүрээнд 2 сая 640 мянган киловаттын хүчин чадалтай шинэ эрчим хүчний байгууламжууд бүрэн ашиглалтад орсон бөгөөд жилд 7 тэрбум 274 сая киловатт цаг ногоон цахилгаан үйлдвэрлэж, 2 сая 193 мянган тонн стандарт нүүрс хэмнэн, нүүрстөрөгчийн давхар ислийн ялгарлыг 5 сая 985 мянган тонноор бууруулах боломж бүрдэж байна.

Эх сурвалж: “Анд” студи.