Цагдаагийн алба хаагч Т, Б нар нь цахим мөрийнтэй тоглоомын газар ажиллуулдаг этгээдүүдээс хахууль авдаг байсан болзошгүй хэргийг илрүүлж, шалгалтын ажиллагааг эхлүүлээд байгаа билээ. Одоогийн байдлаар мөрдөн шалгах ажиллагаа үргэлжилж байна.

Тодруулбал, хууль бус мөрийтэй тоглоомын гэмт хэрэгтэй тэмцэх зорилгоор энэ оны эхний 11 сарын байдлаар цахим орчинд хууль бус мөрийтэй тоглоом зохион байгуулсан 49 сайтын 3508 домэйн хаягийг Харилцаа холбооны зохицуулах хороотой хамтран Монгол улсаас хандах эрхийг хязгаарлуулж, нуугдмал хөрөнгө, хууль бус мөнгө байршуулсан байж болзошгүй 2254 харилцах дансыг холбогдох хууль, журмын хүрээнд хязгаарлуулан ажиллаж байна.

Тэгвэл цахим мөрийтэй тоглоомын нөхцөл байдал, цахим сүлжээнд цагдаагийн алба хаагч энэ хэрэгт холбогдсон гэх мэдээллийн хүрээнд өнөөдөр буюу 13:30 цагт Мөрдөн байцаах албаны хурлын танхимд нэгдсэн мэдээлэл өгөхөөр болжээ.