Хэнтий аймгийн 100 жилийн наадмын их насны морьдын уралдаанд түрүүлсэн Хөвсгөл аймгийн уяач Б.Отгонсэлэнгийн ажнайг тодорхойгүй шалтгаанаар хассан. Тэгсэн ч наадамчин олон түүнийг морио цоллуулах эрхтэй гэж цэнгэлдэх хүрээлэн лүү оруулсан ч морийг цоллоогүй юм.

 Энэ талаар уяач Б.Отгонсэлэнгээс тодруулахад,

        Тэрбээр “Морио цоллуулчихсан бол унаач  бид хоёрын сэтгэл  дээрдэх байлаа. Би шагналыг нь авахгүй, зүгээр л түрүүлсэн морио цоллуулахыг л хүссэн.  Намайг морины комисс дээр нь очиход Шүүхийн шийдвэрийн  дарга  Д.Хатанбаатар гэх хүн хойморт нь суучихсан намайг “Хэний наадамд уралдаж байгаагаа мэдэж байна уу, морио аваад зайл” гэж байсан. Гэтэл өөрийнхөө нэр дээр тод манлай уяачийн морийг уралдуулсан байсан. Тэгээд түрүүлүүлэхийн тулд миний морийг хассан юм билээ. Хэнтийн уяачдын холбоо болон уяачид нь надад баяр хүргэж, хурдан удмын даагаа хүртэл бэлэглэсэн. Морины комисс, Шүүхийн шийдвэрийнх нь дарга гэх Д.Хатанбаатар нарт л гомдолтой байна” гэлээ.