Коронавирусийн халдварын тархалт ирэх аравдугаар сард нэмэгдэж, хүн амын дунд коронавирусийн B2.75 хувилбар тархах магадлалтай байгаа талаар мэдээлэл гарсан. 

      Энэ талаар Эрүүл мэндийн сайдын зөвлөх О.Батбаяраас тодрууллаа. Тэрбээр “Манай  улсын хувьд долдугаар сарын сүүл наймдугаар сарын эхэн үеэр эрчимтэй B2  хувилбарын давалгаа оргилдоо хүрээд шувтрах шатандаа орсон. Энэ үеэр 0-12 насны болон 60-аас дээш насныхан хамгийн ихээр өвчилж, хэвтэн эмчлүүлсэн. Коронавирусийн шинэ хувилбар үүсч магадгүй талаар бид өмнө нь мэдээлж байсан. ДЭМБ-ын мэдээлснээр Энэтхэгт шинээр бүртгэгдсэн B2.75 хувилбар эрчимтэй давамгайлах төлөвтэй байгааг олон улсын эрдэмтэд анхааруулж байна. Мөн вакцины шинэчилсэн хувилбар гарч, зарим орнууд хэрэглээд явж байгаа.  Хүйтний улирал эхэлж буйтай холбоотой иргэдийн дархлаа буурч, өвчлөх магадлал өндөр болдог. Иймд та бүхэн дархлаагаа дэмжиж, халдвар хамгааллын дэглэмээ баримталж байх хэрэгтэй“ гэлээ.