Тэрбээр “Дорноговь аймгийн баяр наадмын үндэсний бөхийн барилдааны дөрвийн даваанд Аймгийн арслан Б.Пүрэвсүрэн, аймгийн начин И.Баатарчулуун нар оноол таарч барилдсан. Гэвч барилдааны явц удааширсан тул үндэсний бөхийн холбооны шинэ дүрэмд зааснаар аль нэг идэвхтэй барилдаан гаргасан бөхийг нь давсанд тооцож Аймгийн арслан Б.Пүрэвсүрэнг бөхийн цэц дараагийн даваанд шалгаруулсан. Үүнээс үүдэн наадамчид, үзэгчдийн зүгээс эсэргүүцэл илэрхийлж наадмын дэвжээн дэх бөхийн цэцийн асарт үймээн дэгдээсэн. Өөр зүйл болоогүй. Одоогоор бөхийн барилдаан хэвийн үргэлжилж байна. Иргэд бөхийн барилдааны шинэ дүрмээ мэдэхгүйгээс болж дургүйцлээ илэрхийлсэн” гэлээ.