Өргөн хэрэглээний бараа бүтээгдэхүүний үнэ нэмэгдэж байгаатай холбоотой ШӨХТГ-аас үнийг судлах, цаашид хэрхэн бууруулах талаар ажиллах ажлын хэсгийг гаргасан.  Тус ажлын хэсэг долдугаар сарын 18-аас эхлэн арван хоногийн хугацаанд ажиллаж, бараа бүтээгдэхүүн нэмэгдэх болсон шалтгааныг. Иймд бид тус ажлын хэсгийн ахлагч  ШӨХТГ-ын орон тооны ажилтан Д.Отгонсүрэнтэй холбогдож ажлын хэсгийн явцыг тодрууллаа.

          Тэрбээр “Иргэдийн үйлчлүүлдэг зах, худалдааны төвийн үнийн судалгаа, бараа бүтээгдэхүүн нэмэгдэх болсон шалтгааныг тогтоохоор Ажлын хэсэг ажиллаж байна. Одоогийн байдлаар тайландаа орж, дуусах төлөвтэй байгаа. Сүүлийн үр дүнд ШӨХТГ-аас ХХААХҮЯ-нд арга хэмжээ авах, зөвлөмжийг боловсруулан хүргүүлэх ажил бий.  Ажлын хэсгийн явцад анзаарагдсан зүйл гэвэл шинэ ургацын ногоо гарч ирмэгч үнэ одоогийн байгаа хэмжээнээс тодорхой хэмжээнд буурна. Нийлүүлэлт нэмэгдэхэд үнэ нь буудаг. Төмс, ногооны нийлүүлэлт нэмэгдэхээр үнэ буурна гэсэн хүлээлттэй байна. Манай байгууллагын зүгээс Ажлын хэсгийн ажлын, үйл явц үр дүнг, цаашид авах арга хэмжээг зөвлөмж боловсруулан харьяа яаманд хүргүүлнэ. Цаашид ямар үр дүнд хүрэхийг тааварлах боломжгүй” гэв.