Н.СУГАР: Троллейбусны шугам зарим хэсэгтээ суларч, унжсаны улмаас хоёр давхар автобус шүргэсэн

2022-06-02, 857

Нийслэлийн нийтийн тээвэрт сүүлийн арван жил томоохон парк шинэчлэл хийгээгүй билээ. Тиймээс Засгийн газар нийтийн тээврийн салбарт хэрэгжүүлэх шинэчлэлийн талаар хэлэлцэж, 2024 он гэхэд бүрэн шинэчлэл хийхээр болсон. Үүний эхлэл болгож 91 автобусын оруулж ирээд буй аж.

Энэ тухай олон нийтийн цахим сүлжээгээр “Хоёр давхар автобусаа үйлчилгээнд нэвтрүүлсэн чинь троллейбусны шугамд шүргэсэн гэнэ” гэх мэдээлэл цацагдаад буй юм.

Тиймээс энэ мэдээллийн дагуу Нийслэлийн Засаг даргын хэвлэлийн төлөөлөгч Н.Сугартай холбогдож тодруулсан юм. Тэрбээр “Шинээр оруулж ирсэн 91 автобуснууд нийтийн үйлчилгээнд явж эхлээгүй. Удахгүй ашиглалтад орно. Цахим сүлжээнд цацагдсан мэдээлэлд хариу өгөхөд хоёр давхар автобусны өндөр 4,18 см харин троллейбусны шугамын өндөр 5,5 см байдаг. Троллейбусны шугам зарим хэсэгтээ суларч, унжсаны улмаас хоёр давхар автобус шүргэсэн зөрчил гараад байгаа юм. Тиймээс энэхүү зөрчлийг шийдвэрлэхээр ажиллаж байна” гэлээ.