Гэр бүлийн хөөрхөн хөгжилтэй бичлэг хийдгээрээ хүмүүсийн танил болсон Амирлан буюу Ким Арантай ярилцлаа. Тэрбээр БНСУ-д ахлах ангид сурдаг бөгөөд сайн загвар зохион бүтээгч болохыг зорьж байгаа гэнэ.

-Чамд энэ өдрийн мэнд хүргэе. Анх цахим сүлжээнд бичлэг нийтлэх шалтгаан нь юу байв?

             -Жаахан байхаасаа бичлэг хийх дуртай хүүхэд байсан л даа. Хэсэг тик ток хийдэг байсан ч төдийлөн хандалт авахгүй байсан учраас больчихсон. Ээжтэйгээ хамт хийж болох бичлэгийн санаа олоод ээж рүүгээ байнга явуулна. Гэхдээ ээж ичимхий учраас хийдэггүй байлаа. Тэгж байгаад аав нэг өдөр ээжийг урамшуулж чадна аа гэж зоригжуулсан. Тэгээд л ээж бичлэг хийхээр болж би чаддаг, мэддэгээ зааж өгөөд хамтдаа бичлэг хийдэг болсон доо.

-Хүмүүс нь бичлэгийг нь үзээд эерэг сэтгэгдэл үлдээж, дэмжиж байгааг харах ямар байсан бэ?

             -Хүмүүс гоё сайнаар хүлээж авсан учраас бичлэгээ илүү тууштай хиймээр санагдсан. Хүмүүсийн сэтгэгдэлээс урам авч бичлэгээ илүү сайжруулахыг хичээдэг. Аав, ээж, дүү нартайгаа их бичлэг хийж байгаа. Цаашид ч илүү идэвхтэй хийнэ ээ.

-Ганцаараа биш гэр бүлээрээ контент хийдэг учраас давуу тал олон байдаг байх. Энэ талаар ярихгүй юу, магадгүй ганцаараа байсан бол контент хийхгүй ч байж магадгүй шүү дээ?

          -Бага байхад ээж сургууль, цэцэрлэгээс авах өдөр хамгийн гоё нь байдаг байсан юм. Ангийн найзууд “Ээж чинь ямар хөөрхөн юм бэ” гэж магтана. Заримдаа ээж дүү бид хоёрт зориулаад гангалаад ирдэг байлаа. Би ээжээсээ үлгэр дуурайлал авдаг учраас гэр бүлээрээ бичлэг хийх дуртай. Ганцаараа байсан бол хэзээ ч бичлэг хийхгүй байх байсан. Хамтдаа цахим хуудсаа эхлүүлж, бичлэгээ хийж эхэлсэн. Намайг дунд ангид ороход ээж инстаграм хаяг нээж өгөөд “Ганцаараа бичлэг хийж болно” гэсэн. Би инстаграм дээрээ л зөвхөн өөрийнхөө бичлэгийг оруулдаг.

-Хувцас загварын талд сонирхолтой юм билээ. Чамд юу нь тийм сонирхолтой байж таалагддаг юм бэ?

         -Ер нь зураг зурах дуртай. Үүнээс гадна ээж минь тун загварлаг нэгэн гэдгийг хэлсэн шүү дээ. Ээжээсээ үлгэр дуурайлал авч загвар сонирхох болсон. Ээжийгээ өөрийнхөө модель болгож, хамгийн гайхалтай загваруудыг гаргах мөрөөдөлтэй. Намайг төрсөний дараа ээжийн минь мөрөөдөл загвар биш би болчихсон гэсэн, бүх л гэрэл гэгээ нь гэж. Ээжийн минь мөрөөдөл, миний сонирхол ижил учраас энэ чиглэлээр сурч байгаа.

 БНСУ, МОНГОЛЫН ХОЛБОСОН САЙН ЗАГВАР ЗОХИОН БҮТЭЭГЧ БОЛОХЫГ ЗОРЬЖ БАЙНА

-Саяхан сургууль дээр нь шалгарууллалт болж, чамайг сонгосон талаар нийтлэл байсан. Том боломж нээгдэж байгаа хэрэг шүү дээ. Ямар санагдсан бэ?

           -Сургууль дээр олон газраас ирж үйл ажиллагаа явуулдаг юм. Миний хувьд бүх зүйл одоо л эхэлж байгаа учраас бүхнийг сайн ойлгож амжаагүй л байна. Үе үеийн төгсөгчид ах, эгч нар ажлбн байран дээрээ хүмүүстэй муудаж, олон гоё газартай гэрээгээ цуцалж байсан гэж багш хэлсэн юм. тэр үед ирсэн газрууд бүгд хувцас, загварын чиглэлээр үйл ажиллагаа явуулдаг. Сонгон шалгаруулалтаар шууд намайг сонгосон нь гэдгийг багшаас сонсоод их гайхсан л даа. Би одоо ч хариуг нь хэлж амжилгүй бодож байгаа. Намайг эргэлзсэн үед ээж надад зөвлөгөө, урам, хүч өгдөг.

-Сургуулийнхаа фестивал дээр хувцас хийж оролцсон талаар бичлэг үзсэн юм. Чиний урласан хувцас тайзан дээр байгааг харах ямар санагдсан бэ, тэр үед ямар мэдрэмж төрөв?

           -Тэр миний анхны бүтээл байсан. Улдаан бодож, төсөөлж хувцсаа оёсон. Өдөр бүр яах учраа олохгүй зөвхөн хувцсаа оёсон. Ээжээсээ зөвлөгөө авна, олон санаа өгсөн ч ээжийн төсөөлж ярьсан шиг оёж чадахгүй байсан болохоор ээжээс оёход туслаад өгөөч гэж хүссэн. Гэхдээ ээж “Би чамд заах ёстой болохоор хийж өгөх ёсгүй ээ. Миний охин өөрөө сурах ёстой” гээд аргыг нь зааж өгсөн. Тэр зааврын ачаар төсөөлсөн хувцсаа оёж чадсан. Ээжийнхээ магтсан хувцсыг модельдоо өмсүүлсэн чинь үнэхээр хөөрхөн харагдаж байсан. Бусад хүүхдүүдийн хийсэн хувцас шинэ содон, чамин байсан ч манай багийн хувцас л хамгийн сайхан нь харагдсан.

-Цаашид ямар төрлийн контент хийж хүмүүст хүргэхийг зорьж байна?

                -Гэр бүлийн контентоо хийсээр байх болно. Хийхийг хүссэн олон контент байгаа ч төгсөх ангийн сурагч учраас хичээлдээ анхаарах хэрэгтэй байгаад гэр бүлдээ төдийлөн цаг гаргаж чадахгүй л байна. Гэсэн ч бичлэгээр таслахгүйг хичээж байгаа, үргэлж дэмждэг үзэгчдэдээ баярлалаа. Илүү сайн бичлэг хийнэ ээ.

-Ирээдүйд ямар мэргэжилтэй болохыг зорьж байгаа вэ?

               -БНСУ болон Монголыг холбосон сайн загвар зохион бүтээгч болохыг хүсэж байгаа. Мөн  дүү нартаа сайн эгч, ээждээ сайн охин байхыг хамгийн их хүсдэг дээ.