Сэлэнгэ аймгийн Ерөө суманд коронавирусийн халдвар бүртгэгджээ. Халдвар бүртгэгдсэн ч одоогийн байдлаар тус суманд хөл хорио тогтоогоогүй байна.

Энэ талаар Ерөө сумын Засаг дарга Б.Сэргэлэнтэй холбогдож тодрууллаа. Тэрбээр “Зургадугаар сарын 4-нд Мандал сумаас гурван иргэн хулгайн замаар манай суманд ирсэн. Тухайн иргэд нь Бугант тосгон явж байсан юм билээ. Бугант тосгон руу зорчиход PCR шинжилгээ шаардаж байгаа учраас тэд сумын иргэнээр эмнэлэг заалгаж, шинжилгээ өгөхөөр очсон гэсэн. Гурван хүний нэгнийх нь шинжилгээний хариу эерэг гарсан. Мөн эмнэлэг очих зам газарчилж очсон Ерөө сумын иргэний хариу эерэг гарлаа. Халдвар илэрсэн иргэд нь хүмүүстэй уулзаагүй гэх хариултыг өгөөд байгаад. Ойрын хавьтал нь бага учраас нөхцөл байдал хэвийн байна” гэв.