Хөвсгөл аймаг, Тосонцэнгэл сум Тээл багийн Тэгш булан гэдэг газар Сэлэнгэ мөрөнд осолдсон иргэдийг эрэн хайх ажиллагаа үргэлжилж байна. Завь хөмөрч долоон иргэн осолдсон бөгөөд одоогийн байдлаар дөрвөн иргэний цогцсыг олоод байгаа юм. Ослын голомтод Хөвсгөл, Орхон, Булган аймгийн Онцгой байдлын газар, цагдаа, шүүхийн шинжилгээний алба, Тосонцэнгэл, Рашаант, Их Уул сумын ЗДТГ-ын ажилтнууд, ар гэрийнхэн нийт 116 хүн, 20 автомашин, дөрвөн мотоцикл, таван морь, таван завьтайгаар арлийн ажиллагааг үргэлжлүүлж байгаа аж. Одоогийн байдлаар тус аймгийн Шинэ-Идэр сумын харьяат Г /50 настай, эрэгтэй/, Рашаант сумын харьяат У / 32 настай, эмэгтэй/, Улаанбаатар хотын Хан-Уул дүүргийн харьяат, Б / найман настай, эмэгтэй/ нарын цогцсыг олоогүй байна.