Орхон аймгийн Баян-Өндөр сумын Яргуйт багийн долдугаар гудамжинд нүхэнд хүн унаж, бэртсэн тухай дуудлага өчигдөр буюу дөрөвдүгээр сарын 17-ны 12:39 цагт Онцгой байдлын газарт иржээ. Дуудлагын дагуу тус аймгийн Онцгой байдлын газрын Гал түймэр унтраах, аврах 56 дугаар ангийн алба хаагчид 11.5 км замыг туулан 12:53 цагт очсон байна. Хэргийн газарт очиход 37 настай, эмэгтэй Т нүхэн жорлонгийн шинээр ухаж байсан гурван метрийн гүнтэй нүх рүү унаж, нуруу хэсгээрээ бэртсэн байсныг 29 минут ажиллан эсэн мэнд гаргаж, эмнэлгийн байгууллагад шилжүүлэн өгчээ.