• Өнөөдөр 2024-03-29

Завхан аймагт гурван айлын гэр, хашаа нуржээ

2021-03-27,   656

Завхан аймагт хүчтэй шуурганы улмаас өчигдөр гурван айлын гэр нуржээ. Тодруулбал, тус аймгийн Цэцэн-Уул сумын Сангийн далайн гуравдугаар багийн малчны таван ханатай, Эрдэнэхайрхан сумын Алтан багийн малчны зургаан ханатай гэр нурж унасан байна. Мөн Улиастай сумын Жаргалант багийн Нефтийн хэсгийн гудамжинд 10 м/с хүрч хүчтэй шуурснаас дөрвөн ханатай гэр, хашаа нурж  унасан тухай мэдээллийг аймгийн Онцгой байдлын газар ирүүлжээ.

Дуудлагын дагуу аймгийн Онцгой байдлын газрын Улиастай сум дахь Гал түймэр унтраах, аврах 43 дугаар ангийн алба хаагчид очиж иргэний нурсан гэр, хашааг хураан ар гэрийн хүмүүст хүлээлгэн өгсөн  байна.

 


Завхан аймагт гурван айлын гэр, хашаа нуржээ
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188