Архангай аймагт коронавирусийн халдвар илэрсэнтэй холбоотойгоор аймгийн хэмжээнд “Улбар шар түвшин”-д шилжээд байгаа билээ. Мөн өнөөдрөөс эхлэн Архангай аймгийн Эрдэнэбулган, Хангай, Хашаат, Тариат сумдын орох, гарах хөдөлгөөнийг тодорхойгүй хугацаагаар хаажээ. Түүнчлэн тус аймгийн Булган, Ихтамир, Хашаат зэрэг сумдын сургууль, хүүхдийн цэцэрлэгийн үйл ажиллагааг зогсоож, хичээл, сургалтын үйл ажиллагааг цахим хэлбэрт шилжүүлэхээр болсон байна

Аймгийн хэмжээнд бүх төрлийн баяр, тэмдэглэлт ойн арга хэмжээ, хурал цуглаан, цайллага, хүлээн авалт, соёл урлаг, спортын арга хэмжээ, жагсаал цуглаан, аялал зугаалга зохион байгуулахыг хориглосон бөгөөд аймаг, сумдын төрийн үйлчилгээний байгууллагуудын нийт албан хаагчдийн 70 хувийг цахимаар ажиллуулахаар болсон аж.