Ховд аймгийн Жаргалант сумын Рашаант багийн 15 дугаар гудамжинд Ховд голын халиа хальж, айлын гэр, хашаа шар усны үерт автжээ. Энэ тухай дуудлагыг хоёрдугаар сарын 17-ны 19:23 цагт Онцгой байдлын газарт ирүүлсэн байна.

Дуудлагын дагуу тус аймгийн Онцгой байдлын газрын алба хаагчид гурван км зам туулан 19:28 цагт очиход иргэн Д-ийн гэр, хашаа усанд автсан байжээ. Алба хаагчид усыг соруулж, 50 метр урт, 50 см өндөр шороон далан босгосон аж.