Хөвсгөл аймгийн Ханх сумын Хороо багийн Адуут, Ходон гэдэг газарт өчигдөр нийт долоон удаа газар хөдөлжээ. Тодруулбал, Адуут гэдэг газарт хоёрдугаар сарын 3-ны 09:52 цагт 3.5, 12:20 цагт 4.7, 13:54 цагт 4.1, 14:14 цагт 3.6, 15:14 цагт 4.7, 15:50 цагт 3.7 магнитудын хүчтэй газар хөдөлсөн тухай мэдээллийг Одон орон, геофизикийн хүрээлэнгээс цахим шуудангаар хүлээн авсан байна. Мөн өдрийн 02:06 цагт 3.5 магнитудын хүчтэй газар хөдлөлт Ходон гэдэг газарт болсон байна. Газар хөдлөлтийн чичирхийлэл Хороо багийн иргэдэд мэдрэгдсэн ч хохирол учраагүй гэнэ.