Дорнод аймгийн Матад суманд хээрийн түймэр гарчээ. Тодруулбал, тус сумын Буян-Өндөр багийн Өлзийт гэх газар хээрийн түймэр гарсан тухай дуудлага өчигдөр буюу дөрөвдүгээр сарын 9-ний өдрийн 18:55 цагт онцгой байдлын байгууллагад ирсэн байна. Дуудлага мэдээллийн дагуу Матад суманд байрлаж байгаа тус аймгийн Онцгой байдлын газрын алба хаагчид тус суманд үйл ажиллагаа явуулдаг “Петро-Чайна Дачин Тамсаг” ХХК-ийн 19 дүгээр талбайн ажилтнуудтай хамтарч хээрийн түймрийг 21:20 цагт бүрэн унтраажээ. Урьдчилсан байдлаар хээрийн түймэрт 700 га талбай өртөж шатсан байдалтай байгаа аж.