Сэлэнгэ аймагт үүсээд байсан коронавирусийн халдварын том голомтыг бүрэн хумьж чаджээ. Тус аймагт батлагдсан 217 тохиолдлын 193 нь бүрэн эдгэрч хяналтаас гарсан байна. Одоо эмчилгээний дараах сувиллын хяналтад 12, гэрийн ажиглалтад 13 иргэн байгаа аж. Сэлэнгэ аймгийн нэгдсэн эмнэлэгт долоон иргэн эмчлүүлж байгаагаас маргааш гурван иргэн сувиллын хяналт руу шилжих юм байна. Ингэснээр халдвар бүртгэгдсэн аймгууд голомтоо хумьж, ногоон бүс болсноо зарлаж байна.