Засгийн газар, УОК-оос гаргасан шуурхай Ажлын хэсэг хаваржилт хүндэрсэн орон нутагт ажиллаж байгаа. Энэ хүрээнд Байгаль орчин, аялал жуулчлалын сайдаар ахлуулсан шуурхай баг Хөвсгөл аймагт ажиллаж байна. Шуурхай баг байгальд хаягдсан малыг сэг зэмийг цэвэрлэж, ариутгал, халдваргүйжүүлэлт хийж байгаа бөгөөд зарим суманд малын сэг зэм устгах цэгийн тоог нэмэгдүүлжээ. Түүнчлэн шар усны үерийн эрсдэлтэй байгаа зарим суманд хамгаалах далан, зурвас байгуулах ажлыг зохион байгуулж байна.