• Өнөөдөр 2024-03-29

“Ачтан” эмнэлгээр үйлчлүүлсэн иргэд Өвөрхангай аймгийн Бат-Өлзий суманд очжээ

2021-01-06,   1154

Өвөрхангай аймгийн Бат-Өлзий сумаас гарах хөдөлгөөнийг зогсоожээ. Тодруулбал, тус суманд “Ачтан” эмнэлгээр үйлчлүүлсэн иргэн очсон байна. Энэ талаар Бат-Өлзий сумын Засаг даргын Тамгын газрын дарга Н.Бат-Эрдэнээс тодруулахад “Гамшгаас хамгаалах өндөржүүлсэн бэлэн байдлын зэрэгт шилжүүлсэн хугацаанд зарим арга хэмжээг авч хэрэгжүүлэх тухай аймгийн Засаг даргын А/05 дугаар захирамжаар сумаас гарах хөдөлгөөнийг хязгаарласан. Манай сумын иргэн “Ачтан” эмнэлэгт арванхоёрдугаар сарын 15-22-нд хэвтэн эмчлүүлсэн юм билээ. Тэрбээр охинтойгоо хамт арванхоёрдугаар сарын 24-нд сумандаа ирсэн. “Ачтан” эмнэлгээс халдвар илэрсэн учраас урьдчилан сэргийлэх арга хэмжээ авч, хэвтэн эмчлүүлсэн иргэн бол түүний охин, тээвэрлэж ирсэн жолоочоос шинжилгээ аваад байна. Одоогийн байдлаар түргэвчилсэн оношлуураар сөрөг гарсан бөгөөд PCR шинжилгээний хариу маргааш гарна. Мөн эдгээр иргэнд шинж тэмдэг илрээгүй. Эмнэлгээр үйлчлүүлсэн учраас гэр гэрт нь тусгаарлаж, ажиглалт хийж байна. Иймд сумаас гарах хөдөлгөөнийг нэгдүгээр сарын 6-ны 18:00 цагаас нэгдүгээр сарын 9-ний өглөөний 06:00 цаг хүртэл хугацаанд зогсоогоод байна” гэлээ.

 

 


“Ачтан” эмнэлгээр үйлчлүүлсэн иргэд Өвөрхангай аймгийн Бат-Өлзий суманд очжээ
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188