• Өнөөдөр 2026-10-21

ҮЕНЧ СУМЫН ЗАСАГ ДАРГЫН ОРЛОГЧ О.МЯГМАР: Сураггүй алга болсон дөрвөн хүн эсэн мэнд олдсон. Одоогоор мал нь хотондоо ороогүй зургаан айл байна

2024-02-17,   1222

     Ховд аймгийн Үенч суманд хамгийн их буюу 17 см цас орсон гэсэн мэдээллийн дагуу бид тус сумын Засаг даргын тамгын газартай холбогдлоо.

               Засаг даргын орлогч О.Мягмар "Манай суманд энэ өвөл цас орсон. Гэхдээ зам хаагдаж, малчиддаа хүрч очиж чадахгүй хамгийн хүнд үе нь өчигдрийн цаснаар тохиож байна. Урьдчилж малчиддаа цаг агаарын сэрэмжлүүлэг хүргэсэн болохоор хүний амь эрсэдсэн зүйл одоогоор гараагүй байна. Өчигдөр нэг айлын хоёр хүн хоёр настай хүүхэдтэйгээ малдаа яваад алга боллоо гэсэн мэдээлэл авсан ч эсэн мэнд аврагдсан. Мөн өндөр настай нэг хүн мөн сураггүй боллоо гэсэн мэдээлэл аваад шөнө 4:00 цагт эсэн мэнд гэрт нь хүргэж ирлээ. Сумын Онцгой байдлын газар болон Засаг даргын тамгын газраас хоёр машинтай өчигдөр малчид руугаа гарсан ч цасанд суугаад хүрч чадаагүй. Утсаар нөхцөл байдлын мэдээллийг авч байгаа. Одоогоор мал нь хотондоо ороогүй тав, зургаан айл байна. Малчдын зүгээс биднийг ирж зам гаргаж өгөх шаардлага тавьсан учир бид өнөөдөр хөдлөхөөр бэлтгэж байна. Хэчнээн мал хорогдсон нэгдсэн мэдээлэл одоогоор гараагүй байна. Ямартай ч малчиддаа малаа орхиод өөрсдөө эсэн мэнд байж байхыг сануулж, захиж байна"гэв. 


ҮЕНЧ СУМЫН ЗАСАГ ДАРГЫН ОРЛОГЧ О.МЯГМАР: Сураггүй алга болсон дөрвөн хүн эсэн мэнд олдсон. Одоогоор мал нь хотондоо ороогүй зургаан айл байна
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2026 © Зохиогчийн эрх хуулиар хамгаалагдсан. Мэдээлэл хуулбарлах хориотой.