"ХҮҮХДЭД ЭЭЛТЭЙ ЭТТ" хөлбөрийн хүрээнд өсвөр насныханд зориулсан нээлттэй өдөрлөгийг "Хүүхдийн эрхийг хамгаалах өдөр" буюу "Монголын эх үрсийн баярын өдрийг тохиолдуулан зохион байгууллаа. Тус арга хэмжээ Өмнөговь аймгийн Цогтцэций суманд зохион байгуулагдсан юм. Хүүхдийн эрхийн талаарх арга хэмжээг зохион байгуулж, урлагийн тоглолт, гар зургийн уралдааныг зохион байгуулав. Энэ хүрээнд мэргэжлийн багш, сэтгэл зүйч, цагдаа нар ажиллаж, хүүхдэд ээлтэй байх боломжийн талаар зөвлөгөө өгсөн юм. Энэхүү үйл ажиллагаанд нутгийн иргэд, хүүхдүүдийнхээ хамт сууж, мэргэжлийн багш нараас зөвлөгөө авсан бөгөөд “тодорхой үр дүнд хүрлээ” хэмээн сэтгэл хангалуун байлаа.

Сэтгэл судлаачид өсвөр насны 10-18 насны 4270 орчим хүүхдийг судалгаанд хамруулахад 80 гаруй хувь нь “Үе тэнгийнхний дээрэлхэлд, хүчирхийлэлд өртөж байсан” хэмээн хариулжээ

"Үе тэнгийнхний эрүүл харилцаа  “Эерэг орчин" сэдэвт хэлэлцүүлэгт Цогтцэций сумын дунд сургуулийн 10-18 насны 300 орчим хүүхэд оролцож сэтгэл зүйн эрүүл мэндийн боловсрол сургалтад хамрагдан тулгарсан асуудал, бэрхшээлийг найз нөхөд болон эцэг эх, багшийн оролцоотой хэрхэн шийдвэрлэх гарц шийдлийн талаар ярилцсан юм. Сүүлийн үед ерөнхий боловсролын дунд сургуулийн сурагчид нэгнээ дээрэлхэх, доромжлох үзэгдэл ихсэж, үүний уршгаар хүүхдийн сэтгэл санааны байдал тогтворгүйтэн анхаарал сулрах, айдастай болох зэргээр сэтгэцийн эрүүд мэндэд нь өөрчлөлт илэрч буй судалгаа тогтоогдсон аж. Сэтгэл судлаачид өсвөр насны 10-18 насны 4270 орчим хүүхдийг судалгаанд хамруулахад 80 гаруй хувь нь “Үе тэнгийнхний дээрэлхэлд, хүчирхийлэлд өртөж байсан” хэмээн хариулжээ. Мөн судалгаагаар Өмнөговь аймгийн хэмжээнд өсвөр насны хоёр хүүхэд тутмын нэг нь сэтгэлзүйн тулгамдсан асуудалтай буйг тодорхойлсон байна. Тиймээс "Эрдэнэс Тавантолгой" ХК-ийн зүгээс зургаадугаар сарын 01-ний өдрийг тэмдэглэлт баяр нэрийн дор өнгөрүүлэхээс гадна хүүхдийн хүмүүжил төлөвшил, боловсрол, эрүүл мэндэд анхаарч, хүүхдэд амттан биш анхаарал хэрэгтэйг эцэг эх, багш нарт уриалж ажиллалаа. Энэхүү арга хэмжээг Өмнөговь аймгийн Цогтцэций сумын ЗДТГ, хүүхдийн мэргэжлийн байгууллагууд, ЕБС-ын нийгмийн ажилтан, эцэг, эхчүүд хамтран зохион байгуулснаараа онцлог талтай болжээ. Энэ талаар эхчүүд ам сайтай байсан бөгөөд үйл ажиллагааг сайшааж байлаа.

ӨМНӨГОВЬ АЙМАГТАЙ ХАМТРАН АЖИЛЛАХ ГЭРЭЭГ ШИНЭЧЛЭН БАЙГУУЛЛАА

"Эрдэнэс Таван толгой" ХК нь нийгмийн хариуцлагын олон талт хөгжлийн бодлогыг баримталж, улс орны нийгэм болон эдийн засагт хувь нэмэр оруулах хүрээнд нийгмийн зорилтот бүлгүүдийг дэмжих, бүх нийтийн боловсрол, шинжлэх ухаан, спортын салбар болон бус нутгийн хөгжилд түлхүү анхаарч ажиллаж байна. Өмнөговь, Төв аймгийн засаг даргын Тамгын газар, Үндэсний цэцэрлэгт хүрээлэн, Шинжлэх ухаан, нийтийг хамарсан салбарыг дэмжих, Их сургуулиуд болон Сургалт, эрдэм шинжилгээ судалгааны төв зэрэг нийт 400 орчим байгууллагатай хамтран ажилладаг байна. Орон нутгийн хамтын ажиллагааны хүрээнд "Эрдэнэс Таван толгой" ХК нь анх 2018 оноос эхлэн Өмнөговь аймаг болон Цогтцэций сумын Засаг даргын Тамгын газартай "Хамтын ажиллагааны гэрээ"-г байгуулан ажиллаж, 2018-2022 онд нийт 50,3 гаруй тэрбум төгрөгийн хөрөнгө  оруулалт хийсэн байна.

 "Сая тонн - Сая мод" хөтөлбөр Өмнөговь, Дорноговь, Дундговь, Өвөрхангай, Завхан, Хөвсгөл, Архангай аймгийг хамран хэрэгжих буй гэнэ

Монгол Улсын Ерөнхийлөгч у.Хүрэлсүхийн санаачилсан "Тэрбум мод" үндэсний хөдөлгөөнийг дэмжиж 10 жилийн хугацаанд нийт 600 гаруй сая мод тарьж ургуулахаа илэрхийлж байжээ. Үндэсний хөдөлгөөнд нэгдсэн байгууллагуудаас "Эрдэнэс Таван толгой" ХК хамгийн олон буюу 180 сая ширхэг мод тарих зорилго тавьж, энэ хүрээнд "Сая тонн-Сая мод" хөтөлбөрийн 93Y-г боловсруулан батлуулсан нь анхдагч болж уул уурхайн компаниудыг манлайлж байна. ТЭ3У-ийг Батлан хамгаалах яам, хөдөө аж ахуйн их сургуулийн эрдэмтэн судлаачдын 30 хуний бүрэлдэхүүнтэй баг боловсруулж, БОАЖЯ-ны дэргэдэх Шинжлэх ухаан технологийн зөвлөлийн хуралдаанаар батлуулсан. Энэхүү ТЭЗУ нь есөн боть 1552 хуудас бөгөөд "Тэрбум мод" үндэсний хөдөлгөөний зорилт, зорилтыг бүрэн хангасан болохыг батламжилсан байна. "Сая тонн - Сая мод" хөтөлбөр Өмнөговь, Дорноговь, Дундговь, Өвөрхангай, Завхан, Хөвсгөл, Архангай аймгийг хамран хэрэгжих буй гэнэ.

Цогтцэций сумыг орон нутгийн зэрэглэлтэй хот болгон хөгжүүлэх ерөнхий төлөвлөгөөний баримт бичгийг нутгийн удирдлагуудад хүлээлгэн өглөө

Монгол Улсын Засгийн газрын 2020.09.09 хуралдаанаар Хот байгуулалтын хөгжлийн төлөвлөгөө боловсруулах арга хэмжээг авч хэрэгжүүлэхийг харилцан баталжээ. Энэ дагуу Барилга, хот байгуулалтын сайдын 224 дүгээр тушаалаар Өмнө аймгийн Цогтцэций сумыг орон нутгийн зэрэглэлтэй хот болгон хөгжүүлэх шийдвэр гарч, "Таван толгой" ХК, "Энержи ресурс" ХХК, "Таван толгой төмөр зам" ТЕХК, "Таван толгой дулааны цахилгаан станц зэрэг байгууллагын төлөөллүүд ажлын хэсэг байгуулжээ. 2022 оны зургадугаар сараас эхлэн Өмнөговь аймгийн Цогтцэций сумын Иргэдийн төлөөлөгчдийн хурал, Хот төлөвлөлт, архитектурын орон тооны бус мэргэжлийн зөвлөл, Шинжлэх ухаан, техник технологийн зөвлөл гэх мэт  Төрийн захиргааны байгууллага болон Иргэд, олон нийтээр шат дараатай хэлэлцүүлсний үндсэн дээр "Хөгжлийн ерөнхий төлөвлөгөө "-ний баримт бичийг боловсруулж дуусаад байгаа аж. Харин энэ талаар малчдын зүгээс зарим нэг гомдол байсан бөгөөд иргэдэд ажлын албаныхан мэдээлэл өгч тайлбар мэдээллийг хийсэн юм.