Дорноговийн иргэд энэ сарын 7-ноос нутаг руугаа зорчино

Б. Гүнжид:
Монголчуудын амьдрал- Орон нутаг

2020-12-02, 616

Коронавирусээс урьдчилан сэргийлэх хөл хориотой холбогдуулан Дорноговь аймгийн Засаг даргын захирамжаар иргэдийг орон нутагт нь буцаах, хүлээн авахтай холбоотой Ажлын хэсэг ажиллаж байна. Дорноговь аймгийн иргэдийн хөдөлгөөнийг энэ сарын 07-ноос эхлэн зохион байгуулахаар Улсын Онцгой комисс шийдвэрлэсний дагуу тус аймгийн иргэд энэ сарын 05-наас эхлэн www.119.mn сайтад бүртгүүлнэ.

Тухайн хүн орон нутаг руу явахаасаа 48 цагийн өмнө PCR-ын шинжилгээг өгсөн байх ёстой бөгөөд шинжилгээгээ өгсөний дараа тасалбараа онлайнаар захиалах боломжтой. Өнөөдрийн байдлаар Дорноговь аймагт зорчих 2000 гаруй иргэний судалгаа байгаа бол Дорноговь аймгаас бусад аймаг сум руу зорчих шаардлагатай 1000 гаруй иргэн байгаа аж. Иргэдийг төмөр замаар мөн нийтийн тээврээр, хувийн машинаар татан авахаар төлөвлөсөн бөгөөд иргэдийг татан авах ажиллагаа нэг удаагийн буюу тухайн иргэн өөрийн гэр лүүгээ, харьяа аймаг сумынхаа нутагт очих боломжоор хангах зорилготой гэж аймгийн Онцгой комиссоос мэдээллээ.

Дорноговийн иргэд энэ сарын 7-ноос нутаг руугаа зорчино

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0

Шинэ мэдээ

Нийтлэлчид