Архангай аймгийн Батцэнгэл суманд дэлгүүрийн хүнсний бараа тээвэрлэж очсон иргэнээс коронавирусийн халдвар илэрсэн билээ. Ингэхдээ хамт явсан таван настай хүүд нь халдсан болохыг тогтоосон. Тэдний ойрын болон дам хавьтлуудын байсан Дайрбор, Цац, Улаанчулуут багт Архангай аймгийн Зоонозын өвчин судлалын төвөөс халдваргүйжүүлэлт хийж дууслаа. Хувийн байшин, гэр, нүхэн жорлон, ачааны машин, суудлын машин зэрэг нийт 126 объектын 5286.6 м² талбайд голомтын эцсийн халдваргүйжүүлэлт хийжээ. Мөн сумын Шуурхай штаб, тохиолдлын удирдлагын тогтолцооны багуудыг мэргэжил арга зүйн зөвлөмжөөр ханган иргэдэд коронавирусийн халдвараас сэргийлэх, орчны цэвэрлэрлэгээг тогтмол хийх зөвлөгөө өгчээ.