УВС АЙМГИЙН ТЭС СУМЫН БУЛГАН-ӨНДӨР БАГИЙН ДАРГА Д.БАЛЖИННЯМ: Сумын Онцгой байдлын газраас өгөх гурван боодол өвс хаанаа ч хүрэлцэхгүй хоногт хоёр мал хорогдож байна

2023-01-18, 637

Зудын нөхцөл байдалтай өвөлжилт хүндэрсэн 13 сум бий. Үүнтэй холбоотойгоор бид Увс аймгийн Тэс сумын Булган-Өндөр багийн дарга Д.Балжиннямаас нөхцөл байдлыг тодрууллаа. Тэрбээр “Манай суманд өвөлжилтийн нөхцөл байдал ихээхэн хүнд байна. Цаг агаар шөнөдөө 40 хэм, өдөртөө 20 хэмээс буухгүй байна. Манай Булган-Өндөр баг 200 өрх айлтай. Малын өвс, тэжээл хүрэлцэхгүй хэцүү байна. 24 цагийн дотор хоёр мал хорогдож, одоогоор 200 гаруй мал хорогдсон. Сумын төвөөс 35 клометрийн зайтай болохоор өвс тэжээл авахад хүндрэлтэй, удаж байж очно. Сумын Онцго байдлын газраас нэг айлд гурван боодол өвс, гурван уут тэжээл өгдөг ч хаанаа ч хүрэлцэхгүй, хоёр хоноод л дуусдаг. Цас ихтэй болохоор ойр, ойр сумын төв явахад хүндрэлтэй хэцүүхэн байна. Сурагчдын амралт эхэлсэн болохоор хүн бүлийн хувьд харьцангуй гайгүй байна. Малчид эрвийх, дэрвийхээрээ л хичээж байгаа ч хоногт мал хорогдсон хэвээр байна” гэв.

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 1

Сэтгэгдэл үлдээсэн: 2023-01-18 13:10:02

зочин: Малчид баг. сум аймаг намар бүх өвсөө бэлдсэн өвлийн бэлтгэл сайн гээд байсан ийм дулаан байхад үгээ хэлж байдаг. Хувийн өмч шүү. Мичин жилийн зуд шиг бол бас яая гэхэв. Хариуцлагүйн зудыг өөрсдөө хариуцна. хө

Шинэ мэдээ

Нийтлэлчид