УИХ-ын гишүүн Ц.Анандбазар коронавирус цар тахал дэгдсэн хүнд хэцүү цаг үед Булган аймагтаа 30 сая төгрөгийн шатахуун худалдан авах эрх бэлэглэсэн байна. Тодруулбал, ард иргэдийнхээ аюулгүй байдлын төлөө тэргүүн эгнээнд ажиллаж байдаг Онцгой байдлын газарт  таван сая, Цагдаагийн газарт 10 сая, Мэргэжлийн хяналтын газарт таван сая, Эрүүл мэндийн газарт таван сая, мөн таван сумын эрүүл мэндийн газарт тус бүр нэг сая төгрөг хандивласан байна. Уг хандивыг УИХ-ын гишүүн Ц.Анандбазарын Булган аймаг дахь бие төлөөлөгч Ц.Энхбат аймгийн удирдлагуудад гардуулан өгчээ.