Ашиг олох зорилгоор ХХК-ийн агуулахаас уурхайн тэсрэх бодис хулгайлсан хоёр иргэнийг баривчилжээ. Тодруулбал, Дорноговь аймгийн Айраг сумын хоёрдугаар багийн нутаг дэвсгэрт үйл ажиллагаа явуулдаг ХХК-ийн агуулахаас их хэмжээний уурхайн тэсрэх бодис алдагдсан тухай дуудлага ирсний дагуу тус аймгийн цагдаагийн газраас хэргийн газарт шалгалтын ажиллагаа явуулсан байна.

                   Мөрдөн шалгах ажиллагаагаар тус ХХК-д ажилладаг Ж, Б нар ашиг олох зорилгоор үгсэн тохиролцож, тэсэлгээний материал хулгайлан бусдад худалдсан болохыг урьдчилсан байдлаар тогтоогоод байгаа юм.

Иймд тэсэрч дэлбэрэх бодис үйл ажиллагаандаа ашигладаг ААНБ нь харуул хамгаалалтынхаа сонор сэрэмжийг дээшлүүлж аюултай тэсэрч дэлбэрэх бодис алдагдахаас урьдчилан сэргийлэх ажлыг тогтмол зохион байгуулахыг цагдаагийн байгууллагаас анхааруулж байна.