Өнгөрсөн амралтын өдрүүдэд Хөвсгөл аймгийн Мөрөн хотоос алга болсон охинд олон хүн санаа зовж байлаа. Тодруулбал, сурагчийн дүрэмт хувцастай охиныг зураг цахим хуудаст хөвөрч, “Алга болсон охиныг эрэн хайж байна. Охин зургаадугаар сарын 24-ний орой 23:30 цагийн үед Хөвсгөл аймгийн Мөрөн хот 13 дугаар хороо орчмоос гараад сураггүй болсон. Гэрээсээ гарах үедээ цагаан малгайтай цамцтай, хар гадуур хувцас, хар өмдтэй байсан” гэж бичсэн байсан юм.

       Тэгвэл бид охины ар гэрийнхэнтэй өчигдөр 22:00 цагийн үед холбогдож, охиноо олсон эсэхийг тодруулсан юм. Охины ах “Бид дүүгээ өнөөдөр (өчигдөр) 18:00 цагийн үед эсэн мэнд оллоо. Дүү маань эрүүл, саруул байна. Миний дүүг хайсан, эрлийн багт ажилласан, санаа зовсон бүх хүнд баярлалаа” гэсэн юм.