Хөвсгөл аймгийн Бүрэнтогтох сумын Баянхошуу багийн Шугуй гэх газар орших Дэлгэрмөрөн голд дөрвөн зорчигчтой автомашин, 2000 бог мал үерийн усанд автжээ.

          Энэ талаарх дуудлага мэдээллийг наймдугаар сарын 18-ны өдрийн 04:24 цагт ОБЕГ-т ирүүлсэн байна. Дуудлагын дагуу тус аймгийн Онцгой байдлын газрын Эрэн хайх, аврах салбарын алба хаагчид тухайн өдрийн 05:02 цагт очиход 34 настай иргэн С-ийн “Приус-20” загварын суудлын авто машинтай дөрвөн иргэн, 2000 бог мал усанд боогдсон байсныг хоёр цаг дөрвөн минут ажиллан аварч, үерийн уснаас аюулгүй газар гаргасан байна. Мөн аврахгчид буцах замдаа тус багийн Хотгорын-Ам гэх газар иргэн С-ийн таван ханатай гэр усанд автсан байсныг нүүлгэн шилжүүлжээ.