Ан амьтны мэргэжлийн байгууллага болох "Амьтан асралт" ХХК, "Амьтны эрх хамгаалах нийгэмлэг" ТББ-тай хамтран 10 толгой монгол тарвагыг Хустайн байгалийн цогцолбор газраас барьж, Дархан-Уул аймгийн Хонгор сумын хоёрдугаар багийн нутагт сэргээн нутагшуулах ажлыг амжилттай гүйцэтгэсэн байна.

Тарвага нь цөлжилтөөс урьдчилан сэргийлэх, газрын хөрсийг сийрэгжүүлэх, ургамлын гарцыг нэмэгдүүлэх зэрэгт чухал үр нөлөөтэй амьтан учир бүс нутгийн биологийн төрөл зүйл нэмэгдэж, экологийн тэнцвэрт байдлыг хадгалахад ихээхэн ач холбогдолтой юм.