Хөвсгөл аймгийн Байгалийн цогцолборт газрын Хатгал нэвтрэх цэгээр өчигдрийн байдлаар 25 мянга гаруй дотоодын аялагч, амрагч нэвтэрч, 8500 гаруй тээврийн хэрэгсэл зорчсон байна.

Тэгвэл тус цэгээр зорчсон аялагчид байгалийн цогцолбор газарт 30 гаруй тонн хог, хаягдлыг үлдээжээ.  Хог, хаягдлыг Хөвсгөл аймгийн Улсын тусгай хамгаалалттай газрын хамгаалалтын захиргаа ачиж, цэвэрлэсэн аж.

Иймд аялагч, амрагч нарыг хоггүй, цэвэр аялахыг холбогдох байгууллагаас сануулж байна.