Архангай аймгийн Ихтамир суманд баярын наадмын  үеэр буюу долдугаар сарын 12-ны орой аадар бороо орж, олон тооны мал хорогдсон. Мөн автозамд эврэл үүсэж, орох, гарах хөдөлгөөнийг түр хязгаарласан талаар бид талаар мэдээлсэн.

Аймгийн Автозам засварын газраас газар дээр нь ажиллаж, эврэлтэй замыг засаж, орох, гарах хөдөлгөөнийг хэвийн болгосон байна. Түүнчлэн сумын удирдлагууд үер буусан газруудад очиж нөхцөл байдалтай танилцжээ. Энэ талаар бид Ихтамир сумын Засаг дарга БЦэвээндоржоос тодрууллаа Тэрбээр "Энэ сарын 12-ны 19:00 цагаас 01:00 цаг хүртэл хүчтэй бороо үргэлжлэн орсон. Ихтамир сумын  Элстэй гэдэг газар үеэр бууж, нэг айлын гэр урссан. Өөр хохирол бол байхгүй байсан. Үүнээс гадна Их мухар, Бага мухар, Овооны ар гэдэг газарт мөн үер бууж тодорхой тооны мал хорогдсон байна. Гэр нь үерийн хэсгээс хол байсан учир гайгүй байсан.

Нэг айлын зургаан тугал, нэг бяруу хорогдсон. Үүнээс гадна нийт 206 хонь 196 ямаа үерийн улмаас хорогдсон гэдэг тоон мэдээг аваад байна. Мөн малын хашаа, хороо урссан. Бусаар хохирол багатай. Тамирын гол гүүрээ давж урсаагүй. Ойролцоох замын ус зайлуулах хоолой том мөндөрт бөглөрч, үерийн ус зам дээгүүр хальж урссанаар автозамд эврэл үүссэн.

Аймгийн Авто зам засварын газраас ирж, янзлаад буцсан. Жуулчдын тухайд үер буухаас өмнө Онцгой байдлын алба хаагчид нүүлгэн шилжүүлж, голоос холдуулсан учир ямар нэг эрсдэл үүсээгүй" гэлээ.