Хөвсгөл аймгийн Бүрэнтогтох сумын Туяа багийн Давааны-Өвөр гэдэг газар малын хаваржаа шатжээ. Энэ тухай дуудлагыг  өчигдөр буюу зургадугаар сарын 24-ны өдрийн 13:04 цагт Онцгой байдлыг газар хүлээн авчээ. Дуудлагын дагуу тус аймгийн Онцгой байдлын газрын Гал түймэр унтраах, аврах 27 дугаар ангийн алба хаагчид 12 км замыг туулан 13:45 цагт очиж, малчин Д-ын хаваржаа болон 10м2 талбайд малын өтөг, бууц шатаж байсныг 14 минут ажиллаж унтраасан. Мөн энэ үеэр орон нутгаас таван автомашинтай 12 хүн хамтран ажиллажээ