Нийслэлийн Засаг даргын хэрэгжүүлэгч агентлаг, харьяа байгууллагын мэдүүлэг гаргагч албан тушаалтнуудад  зориулсан сургалт зохион байгуулжээ.  2020 оны шинэчилсэн мэдүүлэг гаргах үйл ажиллагаатай холбогдуулан зохион байгуулсан цахим сургалтаар шинэчилсэн мэдүүлгийн явцын байдал, мэдүүлэг гаргахад анхаарах асуудлын талаар Төрийн захиргааны удирдлагын хэлтсийн дарга Ү.Ганболд мэдээлэл хийж, үүрэг чиглэл өгчээ. Сургалтыг НЗДТГ-ын Хүний нөөцийн удирдлагын тасгийн мэргэжилтэн Т.Бат-Оргил удирдан явуулж, мэдүүлэг гаргагчдын сонирхсон асуултад хариулт өгөв. Сургалтад нийслэлийн нутгийн захиргааны 60 байгууллагын  дарга, орлогч дарга, хэлтсийн дарга, ерөнхий нягтлан бодогч, ахлах нягтлан бодогч, мэдүүлгийг бүртгэх, хянах, хадгалах эрх бүхий албан тушаалтнууд хамрагдсан байна.

Эх сурвалж: Нийслэлийн ЗДТГ-ын Хэвлэл мэдээлэлтэй харилцах хэлтэс