Нийслэлийн есөн дүүргийн хэмжээнд арваннэгдүгээр сарын 28-ны 10:00 цагийн байдлаар хог тээвэр, зам цэвэрлэгээний ажлыг тохижилт үйлчилгээний 21 компанийн 1312 ажилтан гүйцэтгэж байгаа аж. Зам талбайн үйлчлэгч, ачигч, жолооч нар 77 рейсээр 195 тонн хог хаягдлыг төвлөрсөн хогийн цэгүүдэд хүргэжээ.

Эмнэлгийн аюултай хог хаягдлын тээвэрлэлт, устгалыг хоёр компанийн 47 ажилтан, 11 машинаар эрүүл мэндийн байгууллага, тусгаарлах байр, оношилгооны төвүүдийн аюултай хог хаягдлыг устгажээ. Мөн золбин нохой, муур устгалын гурван компанийн ажилтнууд 12 нохой, муурыг устгасан байна. Одоогийн байдлаар ариутгал, халдваргүйтэлийн 16 байгууллагын 30 машин, 76 ариутгагч ажилдаа гарсан байгаа талаар мэдээллээ.