Нийтийн тээвэр болон зарим банкууд тодорхой цагийн хуваарийн дагуу ажиллаж эхэлсэнтэй холбогдуулан Чингэлтэй  дүүргийн Засаг даргын захирамжийн дагуу цагдаа, онцгой, эрүүл мэнд, мэргэжлийн хяналт, Улаанзагалмай болон холбогдох байгууллагууд бүх нийтийн бэлэн байдлын дэглэмийг сахиулан ажиллаж байна. Иргэдэд үйлчилж байгаа банкны ажилтнуудыг шинжилгээнд хамруулжээ. Арваннэгдүгээр сарын 14-нөөс хойш шинжилгээний сорьц авах төвүүдээр нийт 2629 иргэнийг коровирусийн шинжилгээнд хамруулсан байна.  Мөн тус дүүргийн хүрээнд НЭМГ-аас мэдээлсний дагуу “Ковид-19”-ийн батлагдсан тохиолдлуудтай дам хавьтал болсон иргэдийг хяналтанд авах, шинжилгээнд бүрэн хамруулах хяналтыг хэрэгжүүлж байгаа гэнэ. Мөн Чингэлтэй дүүргийн Гүнт дэхь шалган нэвтрүүлэх постод эрүүл мэнд, цагдаа, онцгой, мэргэжлийн хяналтын хамтарсан есөн  албан хаагч ажиллаж байна.