Улаанбаатар хотын автозам 314 мянган автомашин хөдөлгөөнд оролцоход түгжрэлгүй буюу 35-40 км/цаг хурдтай явахад зориулагдсан байдаг. Гэтэл өнөөдөр нийслэлд өдөрт дунджаар 500 мянга гаруй автомашин замын хөдөлгөөнд оролцож байна. Өөрөөр хэлбэл, Улаанбаатар хотын автозам автомашины тооноос хамаарч ачаалал нь хоёр дахин хэтэрч, таван км\цагаас дээш хурдтай явах боломжгүй, тэг зогсолт хийж байгааг албаныхан тайлбарлаж байна. 

Автозамын түгжрэлээс болж иргэд ажилдаа явахдаа, гэртээ харихдаа хоёроос гурван цаг автозам дээр түгжирч байна. Тэгвэл автозамын түгжрэлийг хэрхэн бууруулах боломжтой талаар иргэдийн санал болон албаны хүмүүсийн гарц шийдлийг тодрууллаа.