Нийслэл хотын  энэ онд хэрэгжүүлэх бүтээн байгуулалтын ажлын хүрээнд Баянгол дүүргийн XIII хороо,“Өргөөгийн гудамж”-ны автозамыг өнөөдрөөс аравдугаар сарын 02-н хүртэл хааж, зам засварын ажлыг хийж гүйцэтгэхээр болсон.

Тус ажлын хүрээнд асфальт бетон хучилт, явган хүний зам засвар, тэмдэг тэмдэглэгээ, эгнээ тусгаарлах хашлага суурилуулах ажил хийх тул жолооч та аюулгүй байдлаа ханган, бусад автозамыг сонгон хөдөлгөөнд оролцохыг Тээврийн цагдаагийн албанаас мэдээллээ. 

Мөн автозам засварын ажил хийгдэх явцад нийтийн тээврийн үйлчилгээний Ч:52 "3.4 хороолол-Тэнгис кино театр-Зайсан" чиглэлээр зорчих иргэд доорх зураглалын дагуу зорчих хөдөлгөөнөө төлөвлөнө үү.