Зайсангийн гүүрнээс XX хорооны “Мишээл экспо” худалдааны төв хүртэлх 1.6 км дугуйн зам өнөөдөр ашиглалтад орлоо. Тус зам ашиглалтад орсноор иргэд аюулгүй орчинд чөлөөт цагаа өнгөрүүлэх боломжтой юм. 
Дугуйн замыг дүүргийн хөрөнгө оруулалтаар 1.6 км урт зам, 2.4 метр өргөнтэй дугуйн зам, 1.5 метр өргөнтэй гүйлтийн зам, замын хашлага, амрах талбайг хийсэн. 
Дүүргийн зүгээс иргэдийн аюулгүй, эко орчинг бүрдүүлэхийн тулд камер, гэрэлтүүлэг хийхээр төлөвлөж байна. Мөн тус замыг үргэжлүүлэн Яармагийн гүүртэй холбох ажил эхлэх юм.