• Өнөөдөр 2022-08-20

Байгалийн үзэсгэлэнт газар хуримаа хийхэд 20 сая төгрөгийн үнэтэй байна

2022-08-06,   177

     Өвөг дээдсийнхээ ариун голомтыг өртөөлөн залгамжилж, хосууд маань гал голомтоо бадрааж эхэллээ. Хурим бол хүний амьдралын хамгийн дурсамжтай үйл явдал юм. Хуримын хамгийн сэтгэл догдлуулсан, чухал үе мөч бол мэдээж гэрлэлт баталгаажуулах ёслол байдаг. Хайртай түүнийгээ насан туршдаа хайрлан, дэмжихээ тангараглан албан ёсоор эхнэр, нөхөр болох тэр мөч таны дурсамжид үүрд үлддэг. Өөрийн хүслийн хуримаа хэзээ ч харамсахгүйгээр хийхийн тулд танд хэчнээн төгрөгийн төсөв хэрэг болох талаар мөн юуг анхаарах хэрэгтэй талаар багцлан хүргэж байна.

ЗОЧДЫН ТОО ГАРГАХ

     Амьдралд тань ганц тохиох нандин мөч болох хуримын ёслолдоо бид  гэр бүл, найз нөхөд, хамаатан садан, ажлын хамт олноо урьж аз жаргалаа хуваалцаж, тэднийхээ ерөөлийг сонсдог билээ. Иймд хүн үлдээхгүйгээр зочдынхоо тоог гаргаарай. Зочдын тоог нарийвчлан гаргасанаар хуримын ёслолдоо хэдэн төгрөгний зардал гаргахаа тооцоолох эхлэл тавигдах юм.

ХУРИМЫН ХУВЦАС

     Хуримын ёслолын хамгийн чухал зүйлүүдийн нэг бол сүйт залуугийн хослол, сүйт бүсгүйн даашинз, хос дээл байдаг билээ. 

ДААШИНЗ

  Эмэгтэй хүн бүр хуримын цагаан даашинз өмсөхийг мөрөөддөг биз ээ. Хайртай хүнтэйгээ хөтлөлцөөд, хамтдаа алхахдаа бүсгүй хүн хамгийн жаргалтай харагддаг. 

Загвар зохион бүтээгч Б.Оюука “Сүйт бүсгүйн хуримын даашинзыг загвараас нь шалтгаалан 2-3 долоо хоногийн хугацаанд урладаг. Үйлчлүүлэгч маань загвар, материал зэрэг бүх зүйлээ өөрөө хүссэнээрээ сонгох бүрэн боломжтой. Сүүлийн жилүүдэд бүсгүйчүүд маань нүсэр том, урт хормоотой даашинзаас илүү энгийн загвартайг сонгодог болсон. Мөн зураг авалтанд өмсөх, хуримын ёслолын өдрөө өмсөх хоёр төрлийн даашинз хийлгэж байна.” 

Хуримын даашинз хийц, хэмжээ, материалаасаа хамааран 300-10 сая үнэтэй байна.

  • “MARRY ME “ ХУРИМЫН САЛОН 200-500 мянган төгрөг
  • “ХАЙРЫН ХУРИМ” САЛОН 1.5-10 сая төгрөг
  • “OYUKA BRIDAL” 1-1.8 сая төгрөг

ХОСЛОЛ

  • “DANDY ATELIER” 1.5 сая
  • “ХУРИМЫН ГОЁЛ” салон 500-800 мянган төгрөг

ХОС ДЭЭЛ

  • “IVY CLASSY” 1.5 сая төгрөг
  • “TUKO TAILOR”  1.2-2 сая төгрөг
  • Хувиараа жижиг дунд бизнес эрхлэгч 500-800 мянган төгрөг

  Хуримын ордонд гэрлэлтээ батлуулахад 2.5 сая төгрөгийн үнэтэй байна. 

 

    Орчин үед хуримын ёслолоо зуны дулаан өдрүүдэд гадаа, байгальд хийх хандлага ихсэж байгаа. Байгальд хуримаа хийх нь зочдод орон зайн эрх чөлөө, тэр дундаа хүүхдүүдэд гүйлдэн тоглох талбай олгодгоос гадна хязгаарлагдмал орчинтой, чимэглэлийн хүссэн санаануудаа хэрэгжүүлэх, мөн зурагчдад байгалийн гэрэлд гайхалтай зургууд дарах боломжийг бүрдүүлдэг гээд маш олон давуу талтай. Байгалийн сайханд хуримаа хийхэд 10- 20 сая төгрөгийн үнэтэй байна.

“ZAISAN EVENT HALL”-Д ХУРИМАА ХИЙВЭЛ ХЭДЭН ТӨГРӨГНИЙ ӨРТӨГТЭЙ ВЭ?

  • Нэг хүний менью 150-190 мянган төгрөг
  • Хуримын чимэглэл 9-12 сая төгрөг
  • Задгай дээврийн цагийн түрээс 500 мянган төгрөг
  • Хөтлөгч: 2-10 сая төгрөг      
  • Дуучид:5-15 сая төгрөг
  • Бүжигчид: 3-10 сая төгрөг

Мөн та хуримаа бүхий л асуудалд санаа зовохгүйгээр алсаас чиглүүлэн тайван чухал өдөртөө бэлдэхийг хүсвэл хуримын цогц үйлчилгээг сонирхоорой.

“БУГАН ХАЛИУН” РЕСТОРАН

            

 

EXA STUDIO”-ИЙН ХУРИМЫН ЦОГЦ ҮЙЛЧИЛГЭЭ

ЗОХИОН БАЙГУУЛАЛТ

     Хуримын өнгө төрх тодорхойлохоос эхлээд зочдын тоо, болох газар, хуримын чимэглэл, бэлгийн болон, угтах хэсгийн зохион байгуулалт, тайз засал, хөтөлбөр найруулга, худ ургийн танилцуулга текст дээр хүртэл, зураг авалт, видео бичлэгийн найруулга хуримын зохион байгуулалттай уялдуулах гэх мэт бүхий л мэдрэмжийг бий болгох жижиг детал хэсэг бүр дээр нарийн ажилладаг.

Үнэ-Найман сая төгрөг

ЗУРАГ АВАЛТ

Үнэ-15-20 сая төгрөг

     Натур, чөлөөт, зохиомжит, аялалтай гэх мэт бүх төрлийн урьдчилсан зураг авалтуудаас гадна хуримын өдрийн, зочдын, баннер гэх мэт зураг авалтуудыг хөтөлбөр найруулга, зочдын тооноос хамааран танд санал болгож байна.

Дүрс бичлэг

   Хурим дээр гарах төрөл бүрийн агуулга, найруулга дээр ажиллахаас гадна хуримын өдрийн бүтэн дүрс бичлэг, онлайн болон лед рүү шууд дамжуулалт, ёслолын үйл ажиллагааг хүлээн авалт дээр гаргах, зохиомжит богино видео гэх мэт таны дурсамжит өдрийг гайхалтай болгох контентуудыг үйлдвэрлэж байна.

 ЧИМЭГЛЭЛ  

     

     Та өөрийн хуримаа ямар байгаасай гэж төсөөлж байна? Тэр төсөөлөл мөрөөдлийг бодит байлгахын тулдд ширээ засалт, зургийн баннер, постер заалны өнгө төрх, гэрэлтүүлэг, тайз засал, бэлгийн хэсэг, угтах хэсэг гэх бүх төсөөллийг бодит болгон ажиллана.

 Үнэ: Загварын сонголтоос хамааран 5-10 сая төгрөгөөр хийгдэнэ.

 

 

 


Байгалийн үзэсгэлэнт газар хуримаа хийхэд 20 сая төгрөгийн үнэтэй байна
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188