• Өнөөдөр 2021-05-15

Төрийн албан хаагчдын 72 хувь нь үндэсний бичгийн талаар зохих мэдлэгтэй

Улсын хэмжээнд анх удаа Төрийн албан хаагчийн үндэсний бичгийн мэдлэгийг тодорхойлох судалгааг энэ сарын 1-ний өдрөөс улс орон даяар эхлүүлсэн. Тэгвэл уг судалгаанд хамрагдсан нийт төрийн албан хаагчдын 72 хувь нь үндэсний бичгийн талаар зохих мэдлэгтэй гэж хариулжээ. Үүнээс 53.7 хувь нь албан хэргээ үндэсний бичгээр хослуулан хэрэглэхэд бэлэн гэсэн бол 46.3 хувь нь бэлэн биш гэж хариулсан байна.  

Судалгаанд хамрагдсан алба хаагчдын үндэсний бичгийн мэдлэгийн асуултад хариулсан байдлаар харвал 5.2 хувь нь маш сайн, 28.7 хувь нь дунд зэрэг, 27.2 хувь нь мэдэхгүй, 25.5 хувь нь бага зэрэг 13.5 хувь нь сайн байна.

Үндэсний бичгийн мэдлэг маш сайн алба хаагчдыг боловсрол, насны бүлгээр харвал:

35-39 насных 22 хувь

40-44 насных 17.7 хувь

45-49 насных 16.2 хувь

25-29 насных 12.6 хувь

50-54 насных 6.7 хувь бөгөөд 16.3 хувь нь бусад насных, боловсролын түвшнээр харвал 58 хувь нь бакалавр, 29.0 хувь нь магистр, 5.7 хувь нь дипломын дээд, 2.9 хувь нь бүрэн дунд, 1.8 хувь нь доктор, 1.7 хувь нь тусгай мэргэжлийн дунд, 1.1 хувь нь бусад боловсролтой алба хаагчид байна.

Үндэсний бичгийн мэдлэг маш сайн алба хаагчдыг салбараар харвал хамгийн өндөр буюу 68.6 хувь нь Боловсрол, 11.0 хувь нь төрийн удирдлага, батлан хамгаалах үйл ажиллагаа, 5.0 хувь нь хүнийн эрүүл мэнд, нийгмийн халамжийн үйл ажиллагаа, 9,4 хувь нь бусад салбарын алба хаагчид байна.

Үндэсний бичгийн сургалтын хэрэгцээ шаардлага байгаа эсэх асуултад нийт судалгаанд хамрагдсан алба хаагчдын 85.1 хувь нь тийм, 14.9 хувь нь үгүй гэж хариулсан байна.

Сургалтад хамрагдах алба хаагчид ямар хэлбэрээр суралцах хүсэлтэй байгаа гэсэн асуултад 63.1 хувь нь танхимын, 27.5 хувь нь онлайн, 8.3 хувь нь онлайн болон танхимын, 0.8 хувь нь бусад хэлбэрийн, 0.2 хувь нь онлайн болон танхимаар сурах хүсэлтэй гэсэн байна.


Төрийн албан хаагчдын 72 хувь нь үндэсний бичгийн талаар зохих мэдлэгтэй
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 1
  • Сэтггэгдэл үлдээсэн: 2021-05-04 23:34:46
    Отгоо: Шал хэрэггүй зүйл шүү хийх юмаа олж ядсан
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, XI хороолол, 14193-Их тойруу 43, "N tower" V давхар 501-2 тоот
7713-1414