• Өнөөдөр 2021-06-21

Саид Моллаи шөвгийн наймд үлдлээ

2021 оны Жүдо бөхийн насанд хүрэгчдийн ДАШТ Унгарын нийслэл Будапешт хотод дөрөв дэх өдрөө үргэлжилж байна. Өнөөдөр эрэгтэйчүүдийн 81 кг, эмэгтэйчүүдийн 63 кг-ийн барилдаанууд болж байгаа юм. Манай улсаас эрэгтэйчүүдийн 81 кг-д ДАШТ-ий алт, хүрэл медальт Саид Моллаи B хэсгийг толгойлон барилдаж байна. Эрэгтэйчүүдийн 81 кг-д В хэсгийг толгойлсон Саид Моллаи эхний тойрогт хийлж, хоёр дахь тойрогт Египетийн Абделрахман Мохамедтай барилдлаа. Египет бөх хоёр удаа мордох гэж оролдоод хоёуланд нь хариу мэхэнд орсон юм. Улмаар манай бөх цэвэр ялалт байгуулж өрсөлдөгчөө буулган авлаа.

Тэрбээр гуравдугаар тойрогт Израйлын бөхийг цэвэр ялснаар шөвгийн 16-д Гүрж гаралтай Австрын бөхтэй барилдах болсон юм. Улмаар уг барилдаан манай бөх цэвэр ялалт байгуулж шөвгийн наймд үлдлээ.

Харин эмэгтэйчүүдийн 63 кг-д улсын дөрвөн удаагийн аварга, Азийн АШТ-ий мөнгө, хүрэл медальт Б.Ганхайч С хэсэгт багтан барилдаж байгаа юм.Тэрбээр эхний тойрогт IJF холбооны дүрвэгсдийн багийн Муна Дахуктай таарч, яллаа. Улмаар гуравдугаар тойрогт Солонгосын бөхийг ялж шөвгийн 16-д шалгарасан юм. Улмаар Б.Ганхайч шөвгийн 16-д эзэн орны бөх Озбаст ялагдаж тэмцээнээ өндөрлүүллээ.


Саид Моллаи шөвгийн наймд үлдлээ
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, XI хороолол, 14193-Их тойруу 43, "N tower" V давхар 501-2 тоот
7713-1414