Соёлын тэргүүний ажилтан, жүжигчин, дуу оруулагч, сэтгүүлч Н.Зориг таалал төгсөж, Монголын кино урлаг, сэтгүүл зүйн салбарт хүнд гарз тохиолоо.

     Н.Зориг 1960 онд мэндэлсэн, айлын том хүү. Тэрээр 1978 онд Нийслэлийн арван жилийн VI дунд сургуулийг төгсөөд ,Эрхүүгийн улсын их сургуульд сэтгүүлчийн ангид хуваарилагдсан боловч нэг жил суралцаад орхиж, Монголдоо буцан ирж Улсын Багшийн Их Сургуулийн кино драмын ангид орж, 1984 онд төгсөж байсан юм.

              Тэрээр “Санаж яваарай” уран сайхны кинонд тоглож, жүжигчний замналаа эхлүүлж байлаа. Түүнээс хойш “Загийн алим”, “Амьдралын нахиа”, “Намар нахиалсан мод”, “Ингэ буйлах нутагт”, “Совин”, “Нар сар зааг”, “Маш нууц” зэрэг киноны гол болон туслах дүрийг бүтээсэн. Харин тайзнаа “Хэрээ”, “Намайг сонсоцгоо”, “Минийх” жүжигт тоглож байлаа.  Тэр авьяаслаг жүжигчин байхын сацуу чадварлаг найруулагч байсан билээ.

Түүний гэр бүл, төрөл төрөгсдөд гүн эмгэнэл илэрхийлье.

        2021 онд манай сайтын сэтгүүлчид өгсөн түүний ярилцлагыг дахин хүргэж байна. Эндээс уншаарай https://ergelt.mn/news/111/single/16068