Цусны донорын эгнээг өргөжүүлэх, цусны донорын үйлсийг сурталчлах, тэднийг алдаршуулж, урамшуулах зорилготой “Цусаа бэлэглэх өдөр”-ийн 109 дахь удаагийн арга хэмжээ өнөөдөр Цус сэлбэлт судлалын үндэсний төв байран болж байна.

Сар бүрийн 3-ны өдөр зохиогддог уг арга хэмжээг Баянзүрх дүүргийн ЗДТГ, ИТХ, Улаан загалмай дунд шатны хороо, хороо, Өсвөрийн улаан загалмайчид, сайн дурын идвэхтнүүд ЦССҮТ-тэй хамтран зохион байгуулж байна.

Нэг хүний 350 мл цус гурван хүний амийг аврах боломжтой байдаг. Насанд хүрсэн хүн дунджаар 5-7 литр цустай ба хүний цус хурдан төлждөг учраас 36-70 цагийн дотор эзлэхүүнийхээ хувьд нөхөгдсөн байдаг юм.Тогтмол цусаа өгдөг хүний бие эрүүл чийрэг, зүрхний шигдээсээр өвчлөх магадлал 30 хувь бага байдаг ажээ.  

ЦУСАА ӨГӨХДӨӨ АНХААРАХ ЗҮЙЛС:

-Иргэний үнэмлэхтэй ирэх

-Зургаан цагаас дээш унтаж амарсан байх

-Хувийн ариун цэвэр сахисан байх

-Өөх тостой хоол, сүү сүүн бүтээгдэхүүн хэрэглээгүй байх

-Цус өгөхийн өмнө өглөөний хөнгөн хоол хүнс идсэн байх

ХАРИН ЭДГЭЭР ЗҮЙЛСИЙГ ХЭРЭГЛЭСЭН БОЛ ЦУСАА ӨГӨХӨӨ ТҮР ХОЙШЛУУЛНА. ҮҮНД:

-Согтууруулах ундаа хэрэглэсэн бол

-Шивээс хийлгэсэн болон чихээ цоолуулсан бол

-Ямар нэгэн халдварт өвчнөөр өвчилсөн бол

-Жирэмсэн болон хөхүүл эмэгтэйчүүд

-Антибиотик хэрэглэж, мэс ажилбар хийлгэсэн бол өгөх боломжгүй аж.

Сэтгүүлч Б.Хонгорзул