Зуслангийн байшин барьдаг компанийн захирал А бусдыг хуурч, “Оюу толгой” ХХК-д ажилд оруулж өгнө” хэмээн 20 сая төгрөг залилжээ.

Энэ талаар хохирогч О хэлэхдээ “Манай танил А “Оюу толгой” ХХК-д ажилладаг хүн байгаа. Чи надад 20.000.000 төгрөг өгчих. Би үндсэн ажилтны механикчаар оруулаад өгье” гэж хэлсэн. Би өөрийн танил хүмүүсээс хүүтэй мөнгө зээлж, 20 сая төгрөг А-ийн данс руу шилжүүлсэн. Энэ хэрэг шүүх, цагдаа дээр тулж, А миний 20 сая төгрөгийг увуулж, цувуулаад эргүүлж төлсөн” гэв.

Баянгол дүүргийн Эрүүгийн хэргийн анхан шатны шүүх энэ хэргийг авч хэлэлцээд,  А-ыг бусдыг хуурч, зохиомол байдлыг зориудаар бий болгож, бодит байдлыг нуух замаар бусдыг төөрөгдөлд оруулж, эзэмшигч, өмчлөгчийн эд хөрөнгийг шилжүүлэн авч залилсан гэмт хэрэгт гэм буруутайд тооцжээ. Шүүгдэгч А-ийн зорчих эрхийг хязгаарлах ял оноожээ.