Боксын “Ихэр бээлий” клубийн охидууд Казахстан Улсын Караганда хотод болсон олимп, дэлхийн хошой аварга Серик Сапиевын нэрэмжит тэмцээнээс медаль хүртжээ. Тус олон улсын тэмцээн 2011-2012 төрсөн боксчдын дунд зохион байгуулагдсан юм. Манай боксчид тус тэмцээнд амжилттай оролцож тэмцээнээ өндөрлүүллээ. А.Мөнгөнзул охидын 52 кг-ын жинд оролцож гурван ялалт байгуулж алтан медаль хүртлээ. Тэрбээр тус тэмцээнд хоёр удаа оролцож хошой аварга болж, “Шилдэг тамирчин” шагналыг хүртэж байсан билээ. Харин Б.Аялгуу охидын 48 кг-ын жинд тулалдаж хүрэл медаль хүртжээ.