Улсын Нэгдүгээр төв эмнэлгийн Цөмийн онош зүйн тасаг ⁹⁹ᵐTc-HYNIC-PSMA SPECT/CT оношилгоог Монгол Улсад анх удаа амжилттай нэвтрүүлжээ.

  Энэхүү орчин үеийн цөмийн оношилгооны арга нь түрүү булчирхайн хорт хавдрын эсүүдэд илүү өвөрмөц илэрдэг PSMA уурагтай холбогдон, хавдрын голомт болон үсэрхийллийг илүү нарийвчлалтай дүрслэн илрүүлэх боломжтой болжээ.

Шинэ технологийг нэвтрүүлснээр:

• Хавдрын голомт болон үсэрхийллийг нарийвчлалтай илрүүлэх;
• Өвчний үе шат, тархалтыг тодорхойлоход дэмжлэг үзүүлэх;
• Оношилгооны үр дүнд үндэслэн эмчилгээний тактикийг оновчтой төлөвлөх;
• Харьцангуй бага өртөгтэй, хүртээмжтэй цөмийн оношилгооны аргыг ашиглах боломж бүрдэх юм.

Мөн цаашид ¹⁷⁷Lu-PSMA радиолиганд эмчилгээ нэвтрүүлэхэд шаардлагатай оношилгооны суурь нөхцөл бүрдэж байна.

Ийнхүү уг технологийг Монголд нутагшуулснаар түрүү булчирхайн хорт хавдрын оношилгоо, эмчилгээний менежментийг сайжруулж, орчин үеийн цөмийн оношилгооны тусламж үйлчилгээг эх орондоо үзүүлэх боломж нэмэгдэж байна.